Ahmedabad Air India Plane Crash: ഗുജറാത്തിലെ അഹമ്മദാബാദ് വിമാനത്താവളത്തില്‍ ടേക്ക് ഓഫിനിടെ വിമാനം തകര്‍ന്നു വീണു. എയര്‍ ഇന്ത്യ വിമാനമാണ് അപകടത്തില്‍പ്പെട്ടത്. 242 യാത്രക്കാരാണ് വിമാനത്തിലുണ്ടായിരുന്നത്. ടേക്ക് ഓഫിനിടെ വിമാനത്താവളത്തിന്റെ മതിലില്‍ ഇടിച്ചാണ് അപകടമുണ്ടായത്. രണ്ട് മണിയോടെയായിരുന്നു അപകടം.

എയര്‍ ഇന്ത്യയുടെ ബോയിങ് 787 വിമാനമാണ് അപകടത്തില്‍പ്പെട്ടത്. അഹമ്മദാബാദില്‍ നിന്നും ലണ്ടനിലേക്ക് തിരിച്ച വിമാനമായിരുന്നു ഇത്. സംഭവസ്ഥലത്തേക്ക് പത്തിലധികം അഗ്‌നിശമനാസേനാ യൂണിറ്റുകള്‍ എത്തിച്ചേര്‍ന്നിട്ടുണ്ട്.

അതേസമയം തകര്‍ന്ന് വീണ എയര്‍ ഇന്ത്യ വിമാനത്തില്‍ ഗുജറാത്ത് മുന്‍ മുഖ്യമന്ത്രിയും ബിജെപി നേതാവുമായ വിജയ് രൂപാണി ഉള്ളതായി റിപ്പോര്‍ട്ടുകള്‍ വരുന്നുണ്ട്. സര്‍ക്കാര്‍ ഇതുവരെയും ഈ വിവരങ്ങള്‍ സ്ഥിരീകരിച്ചിട്ടില്ല. 69കാരനായ രൂപാണി ആനന്ദിബെന്‍ പട്ടേലിന്റെ പിന്‍ഗാമിയായി 2016 മുതല്‍ 2021 വരെ ഗുജറാത്ത് മുഖ്യമന്ത്രിയായിരുന്നു.