സിനിമാ ലോകത്തു നിന്നും മറ്റൊരു വിവാഹമോചന വാര്‍ത്തകൂടി. അമലാ പോളും എഎല്‍ വിജയും വിവാഹമോചനത്തിന് തയ്യാറെടുക്കുന്നുവെന്നാണ് ടൈംസ് ഓഫ് ഇന്ത്യയും ഐബി ടൈംസും ഉള്‍പ്പെടെയുള്ള മാധ്യമങ്ങള്‍ റിപ്പോര്‍ട്ട് ചെയ്‌തിരിക്കുന്നത്. ഇരുവരും ഉടന്‍ തന്നെ വിവാഹമോചനത്തിനുള്ള നടപടികള്‍ സ്വീകരിക്കുമെന്നാണ് സൂചന.

അമലയും വിജയും പിരിയുന്നതായി തമിഴ്‌ മാധ്യമങ്ങള്‍ നേരത്തെ റിപ്പോര്‍ട്ടു ചെയ്‌തിരുന്നു. ഇതിനു പിന്നാലെയാണ് ദേശീയ മാധ്യമങ്ങള്‍ താര ജോഡികളുടെ ബന്ധത്തില്‍ വിള്ളല്‍ വന്നുവെന്ന് വ്യക്തമാക്കിയത്. വിവാഹ ജീവിതത്തിലെ ചില പൊരുത്തക്കേടുകളാണ് ദമ്പതികള്‍ വേര്‍പിരിയാന്‍ കാരണമെന്നാണ് വിവരം. ഒരുമിച്ച് നീങ്ങാനാത്ത തരത്തില്‍ ഇരുവര്‍ക്കുമിടയില്‍ ഭിന്നത നിലനില്‍ക്കുന്നുണ്ടെന്നും ഈ സാഹചര്യത്തില്‍ പിരിയാന്‍ തീരുമാനിച്ചെന്നുമാണ് റിപ്പോര്‍ട്ടുകള്‍.

സമീപകാലത്തായി അമലാ പോളും വിജയ്‌യും പൊതുചടങ്ങുകളിലോ അവാര്‍ഡ് നിശകളിലോ ഒരുമിച്ച് എത്താറില്ലായിരുന്നു. ഇതോടെയാണ് ഇരുവരും തമ്മിലുള്ള ബന്ധത്തില്‍ തകര്‍ച്ചയുള്ളതായി തമിഴ് മാധ്യമങ്ങള്‍ വ്യക്തമാക്കിയത്. ഇരുവരെയും സംബന്ധിച്ച് നിരവധി ഗോസിപ്പുകള്‍ ഇറങ്ങുന്നുണ്ട്. അമലയ്‌ക്ക് തമിഴകത്തെ ഒരു സൂപ്പര്‍ താരവുമായി അകമഴിഞ്ഞ ബന്ധമുണ്ടെന്നും ഇതാണ് വിവാഹ മോചനത്തിലേക്ക് വഴിവെക്കുന്നതെന്നും സ്ഥിരീകരിക്കാത്ത റിപ്പോര്‍ട്ടുണ്ട്.


എഎല്‍ വിജയ് വിക്രമിനെ നായകനാക്കി ഒരുക്കി ദൈവത്തിരുമകള്‍ എന്ന സിനിമയുടെ ചിത്രീകരണത്തിനിടെയാണ് അമലയും വിജയ്‌യും പ്രണയത്തിലാകുന്നത്. 2014ല്‍ കേരളത്തില്‍ വച്ച് ക്രിസ്തീയ രീതിയിലും തമിഴ്‌നാട്ടില്‍ വച്ച് ഹിന്ദു ആചാരപ്രകാരവും അമലയും വിജയ്‌യും വിവാഹിതരായത്. 2014 ജൂണ്‍ പന്ത്രണ്ടിനായിരുന്നു വിവാഹം.