സിആര്‍ രവിചന്ദ്രന്‍|
Last Modified ചൊവ്വ, 1 ഒക്‌ടോബര്‍ 2024 (11:33 IST)
നടന്‍ ഗോവിന്ദ വെടിയേറ്റ് ഐസിയുവില്‍. ഇന്ന് രാവിലെയാണ് താരത്തിന് വെടിയേറ്റത്. സ്വന്തം റിവോള്‍വറില്‍ നിന്ന് അബദ്ധത്തില്‍ വെടിയേല്‍ക്കുകയായിരുന്നു. കാലിനാണ് വെടിയേറ്റത്. നിലവില്‍ അന്ധേരിയിലെ കൃതി കെയര്‍ ആശുപത്രിയില്‍ ഐസിയുവില്‍ ചികിത്സയിലാണ് നടന്‍. മുംബൈ പോലീസാണ് ഇക്കാര്യം അറിയിച്ചത്. ഇന്ന് രാവിലെ കൊല്‍ക്കത്തയിലേക്ക് പോകാന്‍ തയ്യാറാകുന്നതിനിടയാണ് സംഭവം.
റിവോള്‍വര്‍ കയ്യില്‍ നിന്നും അബദ്ധത്തില്‍ താഴെ വീഴുകയും കാലില്‍ വെടിയേല്‍ക്കുകയുമായിരുന്നു. വെടിയുണ്ട നീക്കം ചെയ്തതായും താരത്തിന്റെ ആരോഗ്യനില തൃപ്തികരമാണെന്നും നടന്റെ മാനേജര്‍ ശശി സിന്‍ഹ അറിയിച്ചു.
