ലോട്ടറി രാജാവ് സാന്റിയാഗോ മാര്‍ട്ടിനെ കേരളത്തില്‍ നിന്നുള്ള പ്രത്യേക അന്വേഷണസംഘം ചോദ്യം ചെയ്തു. നെടുമ്പാശേരി വിമാനത്താവളം വഴി നിരോധിച്ച സിക്കിം ലോട്ടറികള്‍ കടത്തിയ കേസിലായിരുന്നു ചോദ്യം ചെയ്യല്‍. തൃക്കാക്കര അസിസ്റ്റന്റ് കമ്മിഷണര്‍ ബിജോ അലക്സാണ്ടറുടെ നേതൃത്വത്തിലുള്ള സംഘമാണു ചോദ്യം ചെയ്തത്.
കോയമ്പത്തൂര്‍ സെന്‍ട്രല്‍ ജയിലിലെത്തിയാണ് മാര്‍ട്ടിന്റെ മൊഴിയെടുത്തത്. എന്നാല്‍ മാര്ട്ടിന് കുറ്റം നിഷേധിച്ചു. ഈ കേസിലെ ഒന്നാം പ്രതിയായ ആനന്ദ് എന്നയാള്‍ മാര്‍ട്ടിനൊപ്പം പല കേസുകളിലും പ്രതിയാണ്. എന്നാല്‍ ആനന്ദുമായി തനിക്ക് ബന്ധമില്ലെന്നും അയാള്‍ തന്റെ എതിരാളിയാണെന്നുമാണ് മാര്‍ട്ടില്‍ മൊഴി നല്‍കിയത്.
മാര്‍ട്ടിന്റ് കൂട്ടാളി ആയ ജോണ്‍ കെന്നഡിയോട് ചോദ്യം ചെയ്യലിന് ഹാജരാകാന്‍ അന്വേഷണസംഘം ആവശ്യപ്പെട്ടിട്ടുണ്ട്.
English Summary: Lottery businessman Santiago Martin questioned in Coimbatore jail by Kerala Police
