ശങ്കറിന്റെ ‘ബോയ്സ്’ സിനിമയില്‍ വേശ്യയായി അഭിനയിച്ച പ്രമുഖ നടി ഭുവനേശ്വരി വ്യഭിചാരക്കുറ്റത്തിന് രണ്ടാം തവണയും അറസ്റ്റിലായിരിക്കുകയാണ്. വേശ്യാവൃത്തി കുറ്റത്തിന് ചെന്നൈക്കടുത്തുള്ള പുഴല്‍ ജയിലില്‍ റിമാണ്ടില്‍ കഴിയുകയാണ് ‘ഭുവി’. പ്രമുഖ രാഷ്ട്രീയനേതാക്കള്‍ ഇടപെട്ടിട്ടും ഇത്തവണ ഭുവിയെ തളയ്ക്കാനായതിന്റെ ആഹ്ലാദത്തിലാണ് ചെന്നൈ പൊലീസ്.
എങ്ങനെയാണ് ഭുവിയെ കുടുക്കിയതെന്ന് മാധ്യമപ്രവര്‍ത്തകരോട് പൊലീസ് വിശദീകരിക്കുകയുണ്ടായി. പൊലീസ് ആസൂത്രിതമായി വിരിച്ച വലയില്‍ ഭുവനേശ്വരി വീഴുകയായിരുന്നു. ഇക്കഥയെ പറ്റി പൊലീസ് പറയുന്നത് വായിക്കുക -
“മീനാകുമാരി, ഭുവനാ, ശ്രുതി, ഭുവി എന്നീ പേരുകളിലാണ് മുപ്പത്തിയഞ്ച് വയസുള്ള ഭുവനേശ്വരി അറിയപ്പെടുന്നത്. ഒന്‍‌പതാം ക്ലാസില്‍ പഠിക്കുന്ന ഒരു മകനും ഭുവനേശ്വരിക്കുണ്ട്. തമിഴ് - തെലുങ്ക് സിനിമകളിലെ നിറസാന്നിധ്യമാണ് ഭുവനേശ്വരിയിപ്പോള്‍. എല്ലാ സിനിമകളിലും ഭുവനേശ്വരി ചെയ്യുന്നത് അധികം വസ്ത്രങ്ങളൊന്നുമില്ലാത്ത നൃത്തമാണ്.”
“ചെന്നൈയിലെ ശാസ്ത്രിഭവനില്‍ ഒന്നാം അവന്യൂവിലാണ് ഭുവനേശ്വരി ഇപ്പോള്‍ താമസിക്കുന്നത്. താമസിക്കുന്ന ഫ്ലാറ്റില്‍ ഭുവനേശ്വരിയെ തേടി പലരും വരാന്‍ തുടങ്ങിയതോടെ അടുത്തുള്ള വീട്ടുകാര്‍ രഹസ്യമായി ഞങ്ങളെ അറിയിക്കുകയായിരുന്നു. ഞങ്ങള്‍ അന്വേഷിച്ചപ്പോള്‍ ഭുവനേശ്വരി പഴയ തൊഴില്‍ പൂര്‍വാധികം ശക്തിയായി പുനരാരംഭിച്ചിരിക്കുന്നതായി അറിഞ്ഞു. കൂട്ടിന് വേറെയും പെണ്‍‌കുട്ടികള്‍ ഉണ്ടെന്നും മനസിലായി.”
“കഴിഞ്ഞ തവണ ഭുവനേശ്വരിയെ ഞങ്ങള്‍ക്ക് കിട്ടിയപ്പോള്‍ വേണ്ടും‌വണ്ണം പൂട്ടാനായില്ല. അതിനാല്‍ തന്നെ, പല പ്രമുഖരും ഇടപെടുകയും ഭുവനേശ്വരി ‘നിരപരാധി’യായി പുറത്തിറങ്ങുകയും ചെയ്തു. അതിനാല്‍ നല്ലവണ്ണം അസൂത്രണം ചെയ്താണ് ഞങ്ങള്‍ ഇത്തവണ ഇറങ്ങിയത്. ഭുവനേശ്വരിയുടെ മാതൃഭാഷയായ തെലുങ്ക് നന്നായി അറിയാവുന്ന ഒരു ഉദ്യോഗസ്ഥനോട് ആന്ധ്രയില്‍ നിന്നുള്ള വ്യവസായ പ്രമുഖനായി അഭിനയിക്കാന്‍ ഞങ്ങള്‍ ആവശ്യപ്പെട്ടു.”
“ഈ ഉദ്യോഗസ്ഥന് ഭുവനേശ്വരിയുടെ മൊബൈലിലേക്ക് വിളിച്ച് ആന്ധ്രയില്‍ നിന്നുള്ള വ്യവസായിയായി പരിചയപ്പെടുത്തി. തനിക്ക് ഭുവനേശ്വരിയുമൊത്ത് കുറച്ച് സമയം ചെലവഴിക്കാന്‍ താല്‍‌പര്യമുണ്ടെന്നും പറഞ്ഞു. ‘ഒരു മണിക്കൂര്‍ നേരം എന്നോടൊപ്പം കഴിയാന്‍ മുപ്പതിനായിരം രൂപാ തരേണ്ടിവരും’ എന്ന് ഭുവനേശ്വരി വ്യവസായിയോട് പറഞ്ഞു. തുക സമ്മതിച്ച വ്യവസായിയൊട് തന്റെ വീട്ടില്‍ എത്തിക്കൊള്ളാനും ഭുവനേശ്വരി പറഞ്ഞു.”
“വെള്ളിയാഴ്ച കാലത്ത് പതിനൊന്ന് മണിയോടെ വ്യവസായിയായി വേഷമിട്ട ഉദ്യോഗസ്ഥന് ഭുവനേശ്വരിയുടെ വീട്ടിലെത്തി. പണക്കാരനായ വ്യവസായിയാണ് വന്നിരിക്കുന്നതെന്ന് വിചാരിച്ച് ഭുവനേശ്വരി ആതിഥ്യമര്യാദകളാല്‍ ഉദ്യോഗസ്ഥനെ മൂടി. കുറച്ച് നേരം സംസാരിച്ചതിന് ശേഷം, അകത്തെ മുറിയില്‍ നിന്ന് രണ്ട് പെണ്‍കുട്ടികളെ കൊണ്ടുവന്ന് ഭുവനേശ്വരി ഉദ്യോഗസ്ഥന് പരിചയപ്പെടുത്തി. ‘എന്നെ വേണമെങ്കില്‍ മുപ്പതിനായിരം തരണം. എന്നാല്‍ ഇവര്‍ക്ക് പതിനായിരം തന്നാല്‍ മതി’ എന്നും ഭുവനേശ്വരി പറഞ്ഞു.”
അടുത്ത പേജില്‍ വായിക്കുക “മോഡലിംഗ്, സിനിമ, സീരിയല്‍, വ്യഭിചാരം”
