ജമ്മു കാശ്‌മീരിലെ കത്വയില്‍ പൊലീസ് സ്റ്റേഷനു നേരെ ഭീകരാക്രമണം. വെള്ളിയാഴ്ച രാവിലെയാണ് ആക്രമണം ഉണ്ടായത്. ഭീകരാക്രമണത്തില്‍ മൂന്നു സുരക്ഷ ഉദ്യോഗസ്ഥരും ഒരു ഭീകരനും കൊല്ലപ്പെട്ടു.

കത്വ ജില്ലയിലെ രാജ്‌ബാഗ് പൊലീസ് സ്റ്റേഷനില്‍ ആണ് ഭീകരാക്രമണം ഉണ്ടായത്. ആയുധങ്ങളും ഗ്രനേഡുകളും ഉപയോഗിച്ചാണ് പൊലീസ് സ്റ്റേഷന്‍ ആക്രമിച്ചത്. ആക്രമണത്തെ തുടര്‍ന്ന് സുരക്ഷ ഉദ്യോഗസ്ഥര്‍ സംഭവസ്ഥലത്ത് എത്തി. പരിക്കേറ്റവരില്‍ ഏഴു സി ആര്‍ പി എഫ് ജവാന്മാരും ഒരു പൊലീസുകാരനും ഒരു സാധാരണക്കാരനും ഉള്‍പ്പെടുന്നു.

സൈനിക യൂണിഫോമിലെത്തിയ മൂന്നംഗസംഘമാണ് പോലീസ് സ്‌റ്റേഷന് നേരെ വെടിവെപ്പ് നടത്തിയത്. പൊലീസും ശക്തമായി തിരിച്ചടിച്ചു.