അനുബന്ധ വാര്ത്തകള്
- പൃഥ്വിരാജിന് മോഹന്ലാലിനെ സംവിധാനം ചെയ്യാമെങ്കില് ദിലീപിന് മമ്മൂട്ടിയെ ആയിക്കൂടേ?
- ലോഹിയുടെ ഭീഷ്മര് ആയി മമ്മൂട്ടി വന്നിരുന്നെങ്കില് !
- ഇതെന്താണ് മമ്മൂക്ക നിങ്ങളിങ്ങനെ? ഈ രണ്ട് ചിത്രങ്ങളും തമ്മിൽ 25 വർഷത്തെ വ്യത്യാസമുണ്ട്!
- ഒരേ പേരുമായി മോഹൻലാലും മമ്മൂട്ടിയും!
- നിർമാതാക്കൾക്ക് പിഴച്ചില്ല, 'കോടികള് വാരിക്കൂട്ടുന്ന സിനിമ'യെന്ന വാക്ക് സത്യമായിരിക്കുകയാണ്!
മോഹന്ലാല് നിര്മ്മിക്കുന്ന ചിത്രത്തിന് കഥ കിട്ടിയില്ല, ഒടുവില് മമ്മൂട്ടി കഥ നല്കി!
മമ്മൂട്ടിയും മോഹന്ലാലും എന്നും എപ്പോഴും പരസ്പരം സഹകരിച്ച് മുന്നോട്ടുപോകുന്ന താരങ്ങളാണ്. പരസ്പരം സഹായിക്കാവുന്ന ഒരു അവസരം പോലും ഇരുവരും പാഴാക്കാറില്ല. അത്തരത്തിലൊരു സംഭവത്തെക്കുറിച്ചുള്ള ഓര്മ്മയാണിത്:
മോഹന്ലാലിന്റെയും ലോഹിതദാസിന്റെയും സിബി മലയിലിന്റെയും കരിയറിലെ ഏറ്റവും മികച്ചത് എന്നുപറയാവുന്ന അഞ്ച് ചിത്രങ്ങളുടെ കൂട്ടത്തില് കമലദളവും ഉണ്ടാകും. എന്നാല്, ഈ സിനിമയുടെ കഥ മമ്മൂട്ടി നല്കിയ ഒരു സ്പാര്ക്കില് നിന്നാണ് ഉണ്ടായതെന്ന് പറഞ്ഞാല് വിശ്വസിക്കുമോ? സത്യമാണത്. കഥയാലോചിച്ച് തലപുകച്ചിരുന്ന ലോഹിതദാസിന് മമ്മൂട്ടിയാണ് കമലദളത്തിന്റെ സ്പാര്ക്ക് നല്കുന്നത്.
ആ സംഭവം ഇങ്ങനെയാണ്. മോഹന്ലാലിന്റെ നിര്മ്മാണക്കമ്പനിയായ പ്രണവത്തിന് വേണ്ടി ഹിസ് ഹൈനസ് അബ്ദുള്ളയും ഭരതവും ചെയ്തുകഴിഞ്ഞ സമയം. അടുത്ത പ്രൊജക്ടും ചെയ്യുന്നത് സിബിമലയില് - ലോഹിതദാസ് ടീം തന്നെയാണ്. എന്നാല് കഥ ഒന്നുമായിട്ടില്ല.
അങ്ങനെയിരിക്കെ ഒരുദിവസം മമ്മൂട്ടിയുമായി ലോഹി ഫോണില് സംസാരിക്കുമ്പോള് ‘പ്രണവത്തിന്റെ പുതിയ സിനിമയുടെ കഥയെന്തായി?’ എന്ന് മമ്മൂട്ടി ചോദിക്കുന്നു.
“അബ്ദുള്ളയില് ഹിന്ദുസ്ഥാനിയും കര്ണാട്ടിക് സംഗീതവും പരീക്ഷിച്ചു. ഭരതത്തില് ശുദ്ധ കര്ണാടക സംഗീതമായിരുന്നു പശ്ചാത്തലം. അടുത്തത് ഏത് പിടിക്കുമെന്നാണ് ആലോചിക്കുന്നത്” എന്ന് ലോഹിതദാസ് മമ്മൂട്ടിയോട് പറഞ്ഞു. “അടുത്തത് കഥകളി പിടിക്ക്” എന്ന് അലക്ഷ്യമായി മമ്മൂട്ടി മറുപടിനല്കി.
മമ്മൂട്ടിയുടെ ‘കഥകളി പിടിക്ക്’ എന്ന അലസവാചകം പക്ഷേ ലോഹിതദാസില് പെട്ടെന്നുണര്ത്തിയത് കലാമണ്ഡലത്തിന്റെ സ്മരണകളാണ്. അത് ആ പശ്ചാത്തലത്തിലുള്ള കമലദളത്തിന്റെ കഥയിലേക്കുള്ള ആദ്യ സ്പാര്ക്കുമായി.
