Last Updated:
ശനി, 13 ഡിസം‌ബര്‍ 2014 (21:30 IST)
2014ല്‍ ഇതുവരെ 146 സിനിമകളാണ് പ്രദര്‍ശനത്തിനെത്തിയത്. ഇനി ക്രിസ്മസ് ചിത്രങ്ങള്‍ മാത്രമാണ് തിയേറ്ററുകളിലെത്താന്‍ ബാക്കിയുള്ളത്. അവയെ ഒഴിച്ചുനിര്‍ത്തി പരിശോധിച്ചാല്‍ നേട്ടവും നഷ്ടവും ഒരുപോലെ അനുഭവിച്ച ഒരു വര്‍ഷമാണ് മലയാള സിനിമയ്ക്ക് കടന്നുപോകുന്നത്.
നല്ല സിനിമകളും പരീക്ഷണ ചിത്രങ്ങളും ഉണ്ടായെങ്കിലും തിയേറ്ററിലിരുന്ന് ഒരു മിനിറ്റ് പോലും സഹിക്കാന്‍ കഴിയാത്ത രീതിയിലുള്ള സിനിമകളും ഈ വര്‍ഷം ഇറങ്ങിയിട്ടുണ്ട്. അല്ലെങ്കില്‍ അത്തരം ചിത്രങ്ങളായിരുന്നു കൂടുതല്‍.
ബോക്സോഫീസില്‍ മലയാള സിനിമ കോടികളുടെ നഷ്ടക്കണക്ക് തന്നെയാണ് ഇത്തവണയും പറയുന്നത്. എങ്കിലും ഇതിനിടയില്‍ വമ്പന്‍ ഹിറ്റുകളുടെ ഒരു ചെറിയ നിരയെയും കാണാനാകും.
മൊത്തം 18 സിനിമകളാണിത്തവണ നിര്‍മ്മാതാവിന് ലാഭമുണ്ടാക്കിക്കൊടുത്തത്. അതില്‍ മെഗാഹിറ്റുകള്‍ മുതല്‍ നിര്‍മ്മാതാവിന് ആശ്വാസനേട്ടം സമ്മാനിച്ചവ വരെയുണ്ട്.
മലയാളം വെബ്‌ദുനിയ 2014ലെ ഹിറ്റുകളിലൂടെ ഒരു യാത്ര നടത്തുകയാണ്. ഒപ്പം നടക്കാന്‍ വായനക്കാരെയും ക്ഷണിക്കുന്നു.
അടുത്ത പേജില്‍ - അപ്രതീക്ഷിത വിജയം
