സല്മാന് ഖാന്‍റെ വീരവാദങ്ങളൊന്നും നടക്കുമെന്ന് തോന്നുന്നില്ല. ചെന്നൈ എക്സ്പ്രസിന്‍റെ വിജയം കണ്ടപ്പോള്‍ സല്മാന് പ്രഖ്യാപിച്ചതാണ് തന്‍റെ അടുത്ത ചിത്രം ഈ സിനിമയുടെ കളക്ഷന്‍ റെക്കോര്‍ഡുകള്‍ തകര്‍ക്കുമെന്ന്. അതിന് ശേഷം ക്രിഷ് 3യും ധൂം3യും വമ്പന്‍ റെക്കോര്‍ഡുകള്‍ സ്ഥാപിച്ചു. ധൂം3യുടെ ആഗോള കളക്ഷന്‍ ഇതുവരെ 533.85 കോടി രൂപയാണ്.
സല്മാന് ഖാന്‍റെ പുതിയ ചിത്രം ‘ജയ്ഹോ’ നല്ല സിനിമയെന്ന പേര് സമ്പാദിച്ചിട്ടുണ്ട്. പടം ഹിറ്റുമാണ്. എന്നാല്‍ ധൂം 3യുടെ കളക്ഷനൊന്നും തകര്‍ക്കാന്‍ ഈ സിനിമയ്ക്ക് കഴിയില്ലെന്നാണ് ട്രേഡ് അനലിസ്റ്റുകള്‍ നല്‍കുന്ന വിവരം.
ആദ്യ മൂന്നുദിവസങ്ങള്‍ കൊണ്ട് ജയ്ഹോ സ്വന്തമാക്കിയിരിക്കുന്നത് 58.50 കോടി രൂപയാണ്. ഇതൊരു മോശം കളക്ഷനല്ലെങ്കിലും സല്‍മാന്‍റെ തന്നെ മുന്‍‌ചിത്രങ്ങളുടെ അത്ര കളക്ഷന്‍ പോലും എത്തിയിട്ടില്ല എന്നാണ് കണക്കുകള്‍.
ജയ്ഹോയുടെ ആദ്യദിന കളക്ഷന്‍ 17.50 കോടി രൂപയായിരുന്നു. രണ്ടാം ദിവസം കളക്ഷന്‍ 16 കോടി. മൂന്നാം ദിനമായ ഞായറാഴ്ച 25 കോടി രൂപ കളക്ഷന്‍ ലഭിച്ചു.
സല്‍മാന്‍റെ ‘ഏക് ഥാ ടൈഗര്‍’ ആദ്യദിനം 30 കോടി രൂപ കളക്ഷന്‍ നേടിയ ചിത്രമാണ്. ജയ്ഹോ 100 കോടി ക്ലബില്‍ ഇടം പിടിക്കുമെന്ന് ഉറപ്പാണ്. എന്നാല്‍ ധൂ3യുടെ മാസ്മരിക വിജയത്തെ വെല്ലുവിളിക്കാന്‍ കഴിയില്ല.
