അമ്പലപ്പുഴ|
WEBDUNIA|
Last Modified ശനി, 2 മാര്‍ച്ച് 2013 (12:03 IST)
PRO
PRO
നിയമക്കുരുക്കില്‍ കുടുങ്ങിക്കിടന്ന സര്‍ക്കസുകാരുടെ ആനകള്‍ക്ക്‌ ഒടുവില്‍ ശാപമോക്ഷം. കഴിഞ്ഞ ഡിസംബര് 16 മുതല്‍ ആറ്‌ ആനകളെ പുന്നപ്രയിലെ സര്ക്കസ് നടന്ന സ്ഥലത്ത്‌ തളച്ചിട്ടിരിക്കുകയായിരുന്നു.
പുന്നപ്രയിലെ സര്ക്കസ് കഴിഞ്ഞ്‌ തമിഴ്‌നാട്ടിലേക്ക്‌ ആനകളെ കൊണ്ടുപോകാന്‍ ശ്രമിച്ചെങ്കിലും സാങ്കേതിക തടസങ്ങള്‍ മൂലം കൊണ്ടുപോകാന്‍ കഴിഞ്ഞില്ല. കഴിഞ്ഞദിവസം തമിഴ്‌നാട്ടിലെ സര്ക്കസ് കഴിഞ്ഞ്‌ പെരുന്തണ്ണല്‍മണ്ണയില്‍ സര്ക്കസ് തുടങ്ങി. ഈ സാഹചര്യത്തിലാണ്‌ ഇവിടെ നിന്നും അങ്ങോട്ടേക്ക്‌ ആനകളെ കൊണ്ടുപോയത്‌.
മാസങ്ങളായി ആനകള്‍ നാട്ടുകാരുമായി പൊരുത്തപ്പെടുകയും ചങ്ങാത്തത്തിലാകുകയും ചെയ്തിരുന്നു. അതിനാല്‍ ആനകളെ യാത്രയയക്കാനും നിരവധി നാട്ടുകാരാണ്‌ തടിച്ചുകൂടിയത്‌. ഒരു സംസ്ഥാനത്ത്‌ നിന്നും മറ്റൊരു സംസ്ഥാനത്തേക്ക്‌ ആനകളെ കൊണ്ടുപോകുന്നതിന്‌ നിരവധി വകുപ്പുകളുടെ അനുമതി ലഭിക്കേണ്ടതുണ്ട്‌. ഇതാണ്‌ ആനകള്‍ പുന്നപ്രയില്‍ തന്നെ തളയ്ക്കപ്പെടാന്‍ കാരണം.
