വിവാഹ വാഗ്ദാനം നൽകി യുവതിയെ ലൈംഗികമായി പീഡിപ്പിച്ച ഇരുപത്തിയേഴുകാരനെ പൊലീസ് അറസ്റ് ചെയ്തു. ഉത്തരംകോട് മേക്കേക്കോണത്ത് വീട്ടിൽ വിപിനാണ് ഇതുമായി ബന്ധപ്പെട്ട നെയ്യാർഡാം പോലീസിന്റെ വലയിലായത്.

ഭാര്യയുടെ ബന്ധുവായ യുവതിയെ വിവാഹ വാഗ്ദാനം നൽകി പീഡിപ്പിക്കുകയും തുടർന്ന് ഗുരുവായൂർ ക്ഷേത്രത്തിൽ വച്ച് താലികെട്ടുകയും ചെയ്ത പ്രതി പിന്നീട് യുവതിയെ
ഉത്തരംകോട്ടുള്ള ഒരു വീട്ടിൽ താമസിപ്പിക്കുകയും ചെയ്തു. ഇതിനിടെ യുവതിയെ കാണാനില്ലെന്ന് ബന്ധുക്കൾ പോലീസിൽ പരാതി നൽകിയിരുന്നു.

പൊലീസ് കേസിനെ തുടർന്ന് കോടതിയിയിലെത്തിയ യുവതി തനിക്ക് വിപിനൊപ്പം പോകാനാണ് ഇഷ്ടമെന്ന് പറഞ്ഞു. ഇതറിഞ്ഞ വിപ്പിന്റെ ആദ്യ ഭാര്യ പിണങ്ങിപ്പോയെങ്കിലും ദിവസങ്ങൾക്കുള്ളിൽ തിരികെ വന്നു. എന്നാൽ പീഡനത്തിനിരയായ യുവതി തന്നെ പീഡിപ്പിച്ച ശേഷം വിപിൻ ഒളിവിലാണെന്നും പൊലീസ് പരാതി നൽകി. തുടർന്ന് നടത്തിയ അന്വേഷണത്തിലാണ് പ്രതി പൊലീസ് പിടിയിലായത്.