വിദ്യാര്‍ഥികള്‍ക്ക് കഞ്ചാവ് വിറ്റ മോഷണക്കേസ് പ്രതി പിടിയില്‍
ഗുരുവായൂര്‍|
WEBDUNIA|
PRO
PRO
സ്കൂള്‍ പരിസരത്ത്‌ കഞ്ചാവ് വില്‍പ്പന നടത്താന്‍ ശ്രമിക്കവേ മധ്യവയസ്കനെ എക്സൈസ്‌ സംഘം പിടികൂടി. ഒരുമനയൂര്‍ കണ്ണിക്കുത്തിപാലം തൈക്കണ്ടിപ്പറമ്പില്‍ നാസറിനേയാണ്‌ (47) എക്സൈസ്‌ റേഞ്ച്‌ ഇന്‍സ്പെക്ടര്‍ ബിനുകുമാറും സംഘവും അറസ്റ്റുചെയ്തത്‌. പ്രതിയുടെ കയ്യില്‍ നിന്ന് പൊതികളായി സൂക്ഷിച്ച 80-ഗ്രാം കഞ്ചാവ് പിടികൂടി.
എട്ട് സ്കൂള്‍ വിദ്യാര്‍ത്ഥികള്‍ ഇപ്പോള്‍ കഞ്ചാവിന്റെ ഉപഭോക്താക്കളാണെന്ന്‌ എക്സൈസ്‌ റേഞ്ച്‌ ഇന്‍സ്പെക്ടര്‍ പറഞ്ഞു. വിദ്യാര്‍ത്ഥികളെ ഉപയോഗിച്ച്‌ കഞ്ചാവ് മേഖല വ്യാപിക്കുന്നതായുള്ള രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ്‌ നാസര്‍ പിടിയിലായത്‌.
