കൊച്ചിയില്‍ യുവനടി ആക്രമിക്കപ്പെട്ട കേസില്‍ പലരും ഇപ്പോഴും പൊലീസ് നിരീക്ഷണത്തിലാണ്. ആരൊക്കെയാണ് അതിന് പിന്നില്‍ പ്രവര്‍ത്തിച്ചത് എന്നത് സംബന്ധിച്ച് ഇപ്പോഴും കൃത്യമായ വിവരങ്ങള്‍ പൊലിസ് പുറത്ത് വിട്ടിട്ടില്ല.

എന്നാല്‍ കേസില്‍ കഴിഞ്ഞ മൂന്ന് ദിവസങ്ങളായി നടക്കുന്നത് ഞെട്ടിപ്പിക്കുന്ന സംഭവ വികാസങ്ങളാണ്. മൂന്ന് ദിവസത്തിനുള്ളില്‍ ചോദ്യം ചെയ്തത് മൂന്ന് സെലിബ്രിറ്റി സ്ത്രീകളെ. ദിലീപിന്റെ രണ്ടാം ഭാര്യയും നടിയും ആയ കാവ്യ മാധവന്‍, കാവ്യ മാധവന്റെ അമ്മ ശ്യാമള, ഒടുവില്‍ റിമി ടോമിയും.

കേസില്‍ ഒരു മാഡം ഉണ്ടെന്ന് പള്‍സര്‍ സുനി പറഞ്ഞിരുന്നു. എന്നാല്‍ ഇത് പൊലീസ് നിഷേധിച്ചു, അങ്ങനെയൊരു മാഡം ഉണ്ട് എന്നതിന്റെ സൂചനകളാണ് ഇപ്പോള്‍ പുറത്ത് വരുന്നത്. കേസുമായി ബന്ധപ്പെട്ട് കാവ്യാ മാധവനെ പൊലീസ് ചോദ്യം ചെയ്തിരുന്നു. എന്നാല്‍ തനിക്ക് പള്‍സര്‍ സുനിയെ അറിയില്ലെന്ന മൊഴിയാണ് കാവ്യ നല്‍കിയത്. പിന്നീട് കാവ്യ പൊലീസിന് നല്‍കിയ മൊഴി കള്ളമായിരുന്നെന്നും പല മാധ്യമങ്ങളും റിപ്പോര്‍ട്ടു ചെയ്തിരുന്നു.