മംഗലപുരത്ത് ചെരുപ്പിനുള്ളില്‍ കടത്തിയ സ്വര്ണ്ണം പിടികൂടി
മംഗലാപുരം|
WEBDUNIA|
Last Modified വെള്ളി, 15 നവം‌ബര്‍ 2013 (12:07 IST)
PRO
ചെരുപ്പിനകത്ത് ഒളിപ്പിച്ചു കടത്തുകയായിരുന്ന സ്വര്‍ണ ബിസ്‌ക്കറ്റും നാണയവും മംഗലാപുരം വിമാനത്താവളത്തില്‍ പിടികൂടിയതായി റിപ്പോര്‍ട്ട്.
ദുബായില്‍നിന്ന് എയര്‍ ഇന്ത്യ വിമാനത്തില്‍ വന്നിറങ്ങിയ ഭട്കല്‍ സ്വദേശി മുനീര്‍ ഹസനില്‍ നിന്നാണ് സ്വര്‍ണം പിടികൂടിയത്. ഇയാളെ അറസ്റ്റ് ചെയ്തു.
ചെരുപ്പില്‍ തുന്നിച്ചേര്‍ത്ത നിലയിലായിരുന്നു 116.64 ഗ്രാം തൂക്കം വരുന്ന സ്വര്‍ണം. . തിരിച്ചറിയാന്‍ പറ്റാത്ത രീതിയില്‍ ചെരുപ്പിന്റെ ഭാഗമാണെന്ന് തോന്നിപ്പിക്കുന്ന രീതിയിലായിരുന്നു സ്വര്‍ണം.
വിമാനത്താവളത്തിലെ സ്‌കാനര്‍ പരിശോധനയിലാണ് ഇത് കണ്ടെത്തിയത്. അറസ്റ്റിലായ ഹസനെ ചോദ്യം ചെയ്തുവരുന്നു. നേരത്തെ പലതരത്തിലുള്ള സ്വര്‍ണ്ണക്കടത്ത് പിടികൂടിയിരുന്നുവെങ്കിലും ഇതാദ്യമാണ് ചെരുപ്പില്‍ ഇത്തരത്തില്‍ കടത്തിയ സ്വർണ്ണം പിടികൂടുന്നത്.
