പി ജെ കുര്യന് കോണ്‍ഗ്രസിന്‍റെ രാജ്യസഭാ സ്ഥാനാര്‍ത്ഥി
തിരുവനന്തപുരം|
WEBDUNIA|
PRO
പി ജെ കുര്യന് കോണ്‍ഗ്രസിന്‍റെ രാജ്യസഭാ സ്ഥാനാര്‍ത്ഥി. കോണ്ഗ്രസ് അധ്യക്ഷ ഇക്കാര്യത്തില്‍ തീരുമാനം അറിയിച്ചതായി കെ പി സി സി അധ്യക്ഷന്‍ രമേശ് ചെന്നിത്തല അറിയിച്ചു.
പി ജെ കുര്യന് വ്യാഴാഴ്ച നാമനിര്‍ദ്ദേശപത്രിക സമര്‍പ്പിക്കും. നിലവില്‍ രാജ്യസഭാ എം പിയായ പി ജെ കുര്യന് കോണ്‍ഗ്രസിന്‍റെ മുതിര്‍ന്ന നേതാക്കളില്‍ ഒരാളാണ്.
ഇടുക്കിയെയും മാവേലിക്കരയെയും പലതവണ പാര്‍ലമെന്‍റില്‍ പ്രതിനിധീകരിച്ചിട്ടുള്ള പി ജെ കുര്യന് 2005 മുതല്‍ രാജ്യസഭാംഗമാണ്. കേന്ദ്രമന്ത്രിയായി സേവനമനുഷ്ഠിച്ചിട്ടുണ്ട്. സ്ഥാനാര്‍ഥിയുടെ കാര്യത്തില്‍ കേരളത്തില്‍ സമവായം ഉണ്ടാകാത്തതിനെ തുടര്‍ന്ന്‌ തീരുമാനം കെ പി സി സി ഹൈക്കമാന്‍ഡിന്‌ വിടുകയായിരുന്നു.
സി എന്‍ ചന്ദ്രനാണ് സി പി ഐയുടെ രാജ്യസഭാ സ്ഥാനാര്‍ത്ഥി. പാര്‍ട്ടിയുടെ അസിസ്റ്റന്‍റ് സെക്രട്ടറിയാണ് സി എന്‍ ചന്ദ്രന്‍. സി പി നാരായണനെ എല്‍ ഡി എഫിന്‍റെ ആദ്യ രാജ്യസഭാ സ്ഥാനാര്‍ത്ഥിയായി സി പി എം നേരത്തേ പ്രഖ്യാപിച്ചിരുന്നു.
