aparna|
Last Modified തിങ്കള്‍, 24 ജൂലൈ 2017 (11:25 IST)
മലയാള സിനിമയിലെ പ്രമുഖ നടിയുടെ അര്‍ദ്ധനഗ്ന ചിത്രങ്ങള്‍ സോഷ്യല്‍ മീഡിയ വഴി പുറത്തുവിട്ട സംഭവത്തിലെ ചുരുളുകള്‍ അഴിയുന്നു. ചിത്രങ്ങള്‍ പുറത്തുവിട്ടത് നടിയോടൊപ്പം ഉള്ള ആളുതന്നെയാണെന്ന് പൊലിസ് ഇന്നലെ വ്യക്തമാക്കിയിരുന്നു. ഇതിന്റെ അടിസ്ഥാനത്തില്‍ നടിയുടെ മുന്‍കാമുകനായ കിരണ്‍ കുമാര്‍ (38)നെ പൊലീസ് അറസ്റ്റ് ചെയ്യുകയും ചെയ്തിരുന്നു.
കിരണ്‍ കുമാര്‍ നടിയുമായി പ്രണയത്തിലായിരുന്നുവെന്ന് പൊലീസ് പറയുന്നു. ഒമ്പതു വര്‍ഷം മുമ്പ് പകര്‍ത്തിയ സ്വകാര്യ ചിത്രങ്ങളാണ് ഇപ്പോള്‍ സമൂഹമാധ്യമങ്ങളിലൂടെ പ്രചരിക്കുന്നത്. കൊച്ചിയിലെ ഫ്ലാറ്റില്‍ വെച്ചാണ് നടിയുടെ ചിത്രങ്ങള്‍ ചിത്രീകരിച്ചത്. ചിത്രങ്ങള്‍ പുറത്തുവിടാതിരിക്കാന്‍ 75 ലക്ഷം രൂപ ആവശ്യപ്പെട്ടിരുന്നതായും നടി
പൊലീസിനോട് വ്യക്തമാക്കി.
കിരണിന്റെ അറസ്റ്റിനു കാരണമായത് നടിയുടെ രണ്ടാം കാമുകന്റെ കടന്നുവരവാണ്. വര്‍ഷങ്ങള്‍ക്ക് മുമ്പ് നടന്ന കാര്യം നടി പുതിയ കാമുകനോട് പറഞ്ഞിരുന്നു. നടിയേയും നടിയുടെ അമ്മയേയും കിരണ്‍ ചിത്രങ്ങള്‍ കാണിച്ച് ബ്ലാക്മെയില്‍ ചെയ്തിരുന്നു. ഇക്കാര്യമെല്ലാം അറിഞ്ഞപ്പോള്‍ കാമുകനാണ് ഇയാള്‍ക്കെതിരെ കേസ് കൊടുക്കാന്‍ നടിയെ ഉപദേശിച്ചത്.
വിവാഹിതനായിരുന്ന കിരണ്‍കുമാര്‍ ഇക്കാര്യം മറച്ചുവെച്ചാണ് നടിയുമായി സുഹൃദ്ബന്ധം സ്ഥാപിച്ചത്. ഇയാള്‍ വിവാഹിതനാണെന്ന് സുഹൃത്തുകള്‍ വഴി അറിഞ്ഞ നടി സൗഹൃദത്തില്‍നിന്ന് പിന്മാറി.
പരാതി നല്‍കിയതിന്റെ വൈരാഗ്യം മൂലമാണ് ഇയാള്‍ ഇപ്പോള്‍ ചിത്രങ്ങള്‍ പുറത്തവിട്ടതെന്നാണ് റിപ്പോര്‍ട്ടുകള്‍.
