കൊച്ചിയില്‍ നടിയെ ആക്രമിച്ച കേസിലെ മുഖ്യപ്രതി പള്‍സര്‍ സുനിക്കായി വാദിക്കുന്നത് അഭിഭാഷകന്‍ ആളൂര്‍ ആണ്. സുനിക്കായി ആളൂരിനെ എത്തിച്ചതാരെന്ന് ഇപ്പോഴും വ്യക്തമല്ല. അതേസമയം, ആക്രമിക്കപ്പെട്ട നടിക്ക് വേണ്ടിയും ദിലീപിനു വേണ്ടിയും വാദിക്കാന്‍ അവസരം കിട്ടിയാല്‍ ആരുടെ കേസ് ഏറ്റെടുക്കുമെന്ന ചോദ്യത്തിനു ആളൂര്‍ നല്‍കിയ മറുപടി വൈറലാകുന്നു.

ദൈവം അനുഗ്രഹിച്ച് അങ്ങനെയൊരു അവസരം ലഭിക്കുകയാണെങ്കില്‍ ആ കേസ് ഏറ്റെടുക്കുമെന്നും ദിലീപിനു വേണ്ടിയും ഹാജരാകുമെന്നും ആളൂര്‍ പറയുന്നു. എന്നാല്‍, ഒരേസമയത്താണ് രണ്ടുപേരും വരുന്നതെങ്കില്‍ ആരാണോ ആദ്യം വരുന്നത് അവരോടോപ്പം നില്‍ക്കാനായിരിക്കും താല്‍പ്പര്യമെന്നും ആളൂര്‍ വ്യക്തമാക്കി. കന്യകയ്ക്ക് നല്‍കിയ അഭിമുഖത്തിലാണ് ആളൂര്‍ ഇക്കാര്യം വ്യക്തമാക്കിയത്.

അതേസമയം, നടിയെ ആക്രമിച്ച കേസില്‍ ദിലീപിനെതിരായ കുറ്റപത്രം ഈ വെള്ളിയാഴ്ച സമര്‍പ്പിക്കാനൊരുങ്ങുകയാണ് അന്വേഷണ സംഘം.