ശ്രീകൃഷ്ണ ജയന്തിയോടനുബന്ധിച്ച് നടന്ന ബാലഗോകുലത്തിന്റെ ശോഭായാത്രയില്‍ സിനിമ നടി അനുശ്രീ ഭാരതാംബയായി വന്നത് ചര്‍ച്ചയാകുന്നു. താര ജാഡകള്‍ തീരെയില്ലാതെയാണ് അനുശ്രീ തന്റെ നാട്ടിലെ ജാഥയില്‍ പങ്കുചേര്‍ന്നിരിക്കുന്നത്. ഹൈദരാബാദിൽ മോഹൻലാലിന്റെ മകൻ പ്രണവ് നായകനാകുന്ന ആദി എന്ന ചിത്രത്തിന്റെ ഷൂട്ടിംഗ് തിരക്കുകൾ മാറ്റി വെച്ചാണു അനുശ്രീ ഭാരതാംബയാകാൻ നാട്ടിൽ എത്തിയത് .

മലയാള സിനിമയിലെ മുൻ നിര നായികയായിരുന്നിട്ടും തന്റെ തിരക്കുകൾ മാറ്റി വെച്ച് സ്വന്തം നാട്ടിലെ ശോഭായാത്രയിൽ അനുശ്രീയുടെ പങ്കാളിത്തം ട്രോളുകളാലും അനുകൂല പോസ്റ്റുകളാലും സോഷ്യൽ മീഡിയ ഒന്നടങ്കം പ്രശംസിച്ചിരിക്കുകയാണു.