തലസ്ഥാന നഗരിയായ തിരുവനന്തപുരത്ത് കഴിഞ്ഞ ദിവസം ഉണ്ടായ രണ്ട് വ്യത്യസ്ത വാഹനാപകടങ്ങളിൽ രണ്ട് പേർ മരിച്ചു. രാത്രി പന്ത്രണ്ട് മണിയോടെ പാപ്പനംകോട്ട് എസ്റ്റേറ്റ്
ജംഗ്‌ഷനിൽ രണ്ട് ബൈക്കുകൾ കൂട്ടിമുട്ടിയുണ്ടായ അപകടത്തിൽ സത്യൻ നഗർ സ്വദേശിയായ സജിത്ത് എന്ന ഇരുപത്തിരണ്ട് കാരൻ മരിച്ചു. ബൈക്കുകളിൽ ഉണ്ടായിരുന്ന സന്ദീപ്, അജിത്, രാഹുൽ എന്നിവരെ ഗുരുതരമായ പരിക്കുകളോടെ ആശുപത്രിയിൽ പ്രവേശിപ്പിച്ചു.

ഇതിനടുത്ത് തന്നെയുള്ള പൂഴിക്കുന്നിനടുത്ത് ബൈക്കുകൾ കൂട്ടിമുട്ടിയുണ്ടായ അപകടത്തിൽ ബിജു എന്ന ഇരുപത്തിമൂന്നുകാരൻ മരിച്ചു. ബൈക്ക് യാത്രക്കാരിൽ ഒരാളായ രഞ്ജിത്ത് എന്നയാളെ ഗുരുതരാവസ്ഥയിൽ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.