ചെന്നിത്തലയ്ക്ക് മാണിയുടെ മറുപടി; ‘വിലക്കയറ്റം ഒരു ആഗോള പ്രതിഭാസം’

തിരുവനന്തപുരം | WEBDUNIA|
PRO
PRO
രമേശ് ചെന്നിത്തലയ്ക്ക് മാണിയുടെ മറുപടി. വിലക്കയറ്റം ഒരു ആഗോള പ്രതിഭാസമാണെന്ന്‌ ധനമന്ത്രി കെഎം മാണി. ഇക്കാര്യത്തില്‍ കേരളത്തിന്‌ മാത്രമായി ഒന്നും ചെയ്യാനാവില്ലെന്നും വിലക്കയറ്റം നിയന്ത്രിക്കാന്‍ ആവുന്നന്നെല്ലാം സര്‍ക്കാര്‍ ചെയ്യുന്നുണ്ടെന്നും ധനമന്ത്രി കെഎം മാണി.

ഓണക്കാലത്ത്‌ സാധനങ്ങളുടെ വില കുത്തനെ ഉയരുമ്പോള്‍ ആളുകള്‍ക്ക്‌ ഉണ്ടാകുന്ന ബുദ്ധിമുട്ട്‌ ലഘൂകരിക്കേണ്ടത്‌ ആവശ്യമാണ്‌. നിത്യോപയോഗ സാധനങ്ങളുടെ ഉള്‍പ്പെടെ വന്‍തോതില്‍ വില വര്‍ധിക്കുന്ന സാഹചര്യത്തില്‍ കേരളത്തിനു മാത്രമായി ഒന്നും ചെയ്യാനാവില്ല. അതേസമയം, വില നിയന്ത്രിക്കാനുള്ള ഫലപ്രദമായ ശ്രമങ്ങള്‍ കേരള സര്‍ക്കാരിന്റെ ഭാഗത്തുനിന്നും ആവുന്നരീതിയില്‍ ഉണ്ടാവുന്നുണ്ടെന്നും ധനമന്ത്രി വ്യക്തമാക്കി.

വിലക്കയറ്റം ദുസ്സഹമാകുന്നുവെന്ന്‌ ചൂണ്ടിക്കാട്ടി കെപിസിസി അധ്യക്ഷന്‍ രമേശ്‌ ചെന്നിത്തല ഇന്നലെ മുഖ്യമന്ത്രി ഉമ്മന്‍ചാണ്ടിക്ക് കത്തയച്ചിരുന്നു.


ഇതിനെക്കുറിച്ച് കൂടുതല്‍ വായിക്കുക :