കിളിരൂരിലെ ശാരി എസ് നായര് എന്ന പെണ്കുട്ടി പീഡിപ്പിക്കപ്പെട്ട കേസില്‍ ആറ് പ്രതികള്‍ക്കെതിരെ കുറ്റം ചുമത്തി. പ്രത്യേക സി ബി ഐ കോടതിയാണ് കുറ്റം ചുമത്തിയത്. കേസിന്റെ വിചാരണ സെപ്റ്റംബര്‍ 13-ന്‌ തുടങ്ങും.
കല്ലൂപ്പാറ പൂന്തല വീട്ടില്‍ ലതാ നായര്, കെഎസ്‌ആര്‍ടിസി കണ്ടക്ടര്‍മാരായിരുന്ന ചേര്‍ത്തല സ്വദേശി പ്രവീണ്‍, തിരുവാങ്കുളം സ്വദേശി മനോജ്‌, നാട്ടകം സ്വദേശി ബിനു, കുമളി സ്വദേശി സോമനാഥന്‍, എരൂര്‍ സ്വദേശി പ്രശാന്ത്‌ എന്നിവര്‍ക്കെതിരെയാണ് കുറ്റം ചുമത്തിയത്.
പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിക്കല്‍, ഗൂഢാലോചന എന്നീ കുറ്റങ്ങളുമായി ബന്ധപ്പെട്ട വകുപ്പുകളാണ്‌ ഇവര്‍ക്കെതിരെ ചുമത്തിയിരിക്കുന്നത്. ലതാനായരെ ഒളിവില്‍ പാര്‍പ്പിക്കാന്‍ ശ്രമിച്ച ദേവദാസ്, അബ്ദുള്‍ ലത്തീഫ് എന്നിവര്‍ക്കെതിരെയും കുറ്റം ചുമത്തിയിട്ടുണ്ട്.
