സൂരജിന് ലഭിച്ച വിധിയില്‍ തൃപ്തിയില്ലെന്ന് ഉത്രയുടെ മാതാവ് മണിമേഖല. സൂരജിന് വധശിക്ഷ കിട്ടുമെന്ന് പ്രതീക്ഷിച്ചിരുന്നതായും നീതി ലഭിച്ചില്ലെന്നും മണിമേഖല പറഞ്ഞു. കൂടാതെ സമൂഹത്തില്‍ കുറ്റങ്ങള്‍ വര്‍ധിക്കാനുള്ള കാരണം നിയമത്തിലെ പിഴവുമൂലമാണെന്നും അവര്‍ പറഞ്ഞു. ഉത്രയുടെ കൊലപാതകത്തില്‍ പ്രതിയും ഭര്‍ത്താവുമായിരുന്ന സൂരജിന് ഇരട്ട ജീവപര്യന്തമാണ് ശിക്ഷയായി വിധിച്ചത്.