രാഷ്ട്രീയം, സിനിമ തുടങ്ങിയ മേഖലകളെ ചുറ്റിപ്പറ്റി പ്രവര്‍ത്തിക്കുന്ന ഈ ട്രോളുകള്‍ അതിഗൌരവമായ കാര്യങ്ങളിൽ പോലും ചിരിയുണർത്തുന്നു. ഗൗരവമേറിയ വിഷയങ്ങളെ വളരെ രസകരമായി അവതരിപ്പിക്കുന്നത് കൊണ്ടാണ് ട്രോളുകളേയും ട്രോളർമാരേയും സമൂഹം അംഗീകരിക്കുന്നതും പ്രോത്സാഹിപ്പിക്കുന്നതും.

ഏത് വിഷയവും നിസാരമായി ട്രോളുന്ന ഈ ട്രോളന്മാര്‍ ഇപ്പോ ഏറ്റെടുത്തിരിക്കുന്നത് ഓഖി ചുഴലിക്കാറ്റ് ബാധിത പ്രദേശമായ വിഴിഞ്ഞത്ത് മത്സ്യത്തൊഴിലാളികൾ പിണറായി വിജയനെതിരെ രോഷപ്രകടനം നടത്തിയതാണ്. വിഴിഞ്ഞത്ത് മുഖ്യമന്ത്രിയെ പ്രതിഷേധക്കാർ തടഞ്ഞുനിർത്തി. പ്രതിഷേധം ശക്തമായതിനെ തുടർന്ന് പൂന്തുറയിൽ നടത്താനിരുന്ന സന്ദർശനം റദ്ദാക്കി പിണറായി വിജയൻ തിരിച്ചുപോകുകയാണ് ഉണ്ടായത്.