അനുബന്ധ വാര്ത്തകള്
- തിരുവനന്തപുരത്ത് പുതിയ കണ്ടെയിന്മെന്റ് സോണുകള് പ്രഖ്യാപിച്ചു
- സിന്ധ്യയെപ്പോലെ കപിൽ സിബലും, ഗുലാംനബി അസാദും ബിജെപിയിൽ ചേരണം: സ്വാഗതം ചെയ്യും എന്ന് കേന്ദ്രമന്ത്രി
- കോൾ ഡേറ്റ നിരക്കുകൾ വർധിയ്ക്കും, 7 മാസത്തിനുള്ളിൽ 10 ശതമാനം വർധനയെന്ന് സൂചന
- ടോമിന് ജെ തച്ചങ്കരിക്ക് ഡിജിപിയായി സ്ഥാനക്കയറ്റം നല്കി
- വീണ്ടും ചൈനയുടെ കടന്നുകയറ്റം, ടാങ്കുകൾ വിന്യസിച്ച് പടയൊരുക്കി ഇന്ത്യയുടെ മറുപടി
ശ്രീനാരായണ ഗുരുദേവന്റെ 166-ാമത് ജയന്തി ദിനത്തില് കരിദിനം ആചരിക്കുന്നതില് നിന്ന് സിപിഎം പിന്മാറണമെന്ന് ബിഡിജെഎസ്
ശ്രീനാരായണ ഗുരുദേവന്റെ 166ആമത് ജയന്തിദിനത്തില് സംസ്ഥാനത്ത് കരിദിനം ആചരിക്കാനുള്ള തീരുമാനത്തില് നിന്നും സിപിഎം പിന്മാറണമെന്ന് ബിഡിജെഎസ് സംസ്ഥാന അദ്ധ്യക്ഷന് സുഭാഷ് വാസു. ചതയ ദിനത്തിന്റെ പ്രാധാന്യം അപ്രസക്തനാക്കാനുള്ള ബോധപൂര്വമായ ശ്രമമാണ് ഇതിനു പിന്നില്. ശിവഗിരി തീര്ത്ഥാടന ദിനമായ ജനുവരി ഒന്നിന് വനിതാ മതില് തീരത്തിന്റെ തനിയാവര്ത്തനമാണ് ഇതെന്നും സുഭാഷ് വാസു പ്രസ്താവനയില് പറഞ്ഞു.
മാത്രമല്ല കരിദിനമാക്കാനുള്ള സിപിഎം നീക്കം ലക്ഷക്കണക്കിന് ശ്രീനാരായണരോടുള്ള വെല്ലുവിളിയാണെന്ന് അദ്ദേഹം പ്രസ്താവനയില് പറഞ്ഞു. ശ്രീനാരായണീയര് ഏറെ പവിത്രമായി കാണുന്ന ഗുരുദേവ ജന്മദിനത്തിന്റെ ശോഭകെടുത്താനാണോ സിപിഎം ശ്രമിക്കുന്നതെന്ന് സംശയിക്കേണ്ടിയിരിക്കുന്നു. സംസ്ഥാനത്തിന്റെ വിവിധ ഭാഗങ്ങളില് ശ്രീനാരായണീയ സമൂഹം ഒത്തുച്ചേരുന്ന ദിവസം കരിദിനം വരുന്നത് ആശങ്കാജനകമാണെന്നു സുഭാഷ് വാസു പറഞ്ഞു.
