തൃശ്ശൂര്‍|
jibin|
Last Modified തിങ്കള്‍, 5 മെയ് 2014 (14:40 IST)
ഗുരുവായൂര്‍ ക്ഷേത്ര ജീവനക്കാര്‍ക്കെതിരെ വീണ്ടും പരാതി ഉയര്‍ന്നു. ക്ഷേത്രത്തില്‍ എത്തിയ ഭക്‌തയെ സുരക്ഷാ ജീവനക്കാരി തള്ളിമാറ്റിയെന്നാണ്‌ പുതിയ പരാതി. ഇവര്‍ ജീവനക്കാരിക്കെതിരെ പൊലീസില്‍ പരാതി നല്‍കി.
ക്ഷേത്രത്തിലേയ്‌ക്കുള്ള പ്രവേശന കവാടത്തിന്‌ സമീപം തൊഴാനായി കാത്തു നില്‍ക്കുകയായിരുന്ന ഭക്‌തയെ ക്ഷേത്ര ജീവനക്കാരി തള്ളിമാറ്റിയെന്നാണ്‌ പരാതിയില്‍ പറയുന്നത്.
ക്ഷേത്രത്തില്‍ എത്തിയ അമ്മയെയും മകനെയും മര്‍ദ്ദിച്ച സംഭവം വിവാദമായതോടെ ഭക്‌തര്‍ക്ക്‌ ബുദ്ധിമുട്ടുണ്ടാക്കുന്ന തരത്തിലുള്ള ഒരു പെരുമാറ്റവും ക്ഷേത്ര ജീവനക്കാരുടെ പക്കല്‍നിന്നും ഉണ്ടാകരുതെന്ന്‌ ചൂണ്ടിക്കാട്ടി ക്ഷേത്രം അഡ്‌മിനിസ്‌ട്രേറ്റര്‍ വാക്കാല്‍ ഉത്തരവ് നല്‍കിയിരുന്നു.
