കൂട്ടുകാർക്ക് അയച്ചുകൊടുക്കാൻ തൂങ്ങിമരണത്തിന്റെ വീഡിയോ ചിത്രീകരിക്കാൻ ശ്രമിക്കുന്നതിനിടെ പത്താം ക്ലാസ് വിദ്യാർത്ഥി മരിച്ചു. കൊടുങ്ങല്ലൂർ മേത്തല പറമ്പിക്കുളങ്ങര കാര്യോഴത്ത് കിഷോറിന്റെയും ശ്രീജയുടെയും ഏകമകൻ അദ്വൈതിനെയാണ് ചൊവ്വാഴ്ച വീടിനുള്ളിൽ മരിച്ച നിലയിൽ കണ്ടെത്തിയത്. മൊബൈൽ ഫോണിൽ വീഡിയോ ഓണാക്കി വെച്ചായിരുന്നു ആത്മഹത്യ.

കൂട്ടുകാരുമായി ദൃശ്യങ്ങൾ പങ്കുവയ്ക്കുന്നതിലാണ് അദ്വൈത് സാഹസികതയ്ക്ക് മുതിർന്നത്. വീടിനുള്ളിലെ ഹാളിലെ കോണിയുടെ കൈവരിയിൽ ഷാളിൽ കുടിക്കിട്ട് അദ്വൈത് താഴേക്ക് ചാടുകയായിരുന്നു. കണക്കുകൂട്ടലുകൾ തെറ്റി കാൽ തറയിലേക്ക് എത്താതിരുന്നതാണ് ദാരുണമായ മരണത്തിനിടയാക്കിയത്. മരണവുമായി ബന്ധപ്പെട്ട ദൃശ്യങ്ങൾ സംഭവസ്ഥലത്തുനിന്ന കിട്ടിയ മൊബൈൽ ഫോണിൽ നിന്ന് പൊലീസിന് ലഭിച്ചു.

പുല്ലൂറ്റ് ഗുരുശ്രീ സ്കൂളിലെ പത്താംക്ലാസ് വിദ്യാർത്ഥിയായ അദ്വൈത് സ്കൂൾ പ്രിൻസിപ്പൽ കൂടിയായ അമ്മയോടൊപ്പമാണ് വൈകിട്ട് വീട്ടിലെത്തിയത്.