അനുബന്ധ വാര്ത്തകള്
- പാലക്കാട് ഒമ്പതാം ക്ലാസ് വിദ്യാർഥി ആത്മഹത്യ ചെയ്ത സംഭവം, സ്കൂളിലെ മാനസിക പീഡനം മൂലമെന്ന് കുടുംബം, സ്കൂളിൽ രക്ഷിതാക്കളുടെ പ്രതിഷേധം
- Israel - Iran Conflict: താമസസ്ഥലങ്ങൾക്കരികെ പോലും മിസൈലുകൾ പതിക്കുന്നു, ഇറാനിലെ ഇന്ത്യൻ വിദ്യാർഥികളെ സുരക്ഷിത സ്ഥാനങ്ങളിലേക്ക് മാറ്റാൻ ആരംഭിച്ച് വിദേശകാര്യമന്ത്രാലയം
- ഓസ്ട്രിയയില് സ്കൂളില് വെടിവെപ്പ് വിദ്യാര്ത്ഥികള് അടക്കം 10 പേര് കൊല്ലപ്പെട്ടു
- ശിശുക്കളിലെ നാഡീ വൈകല്യങ്ങളുടെ പ്രാരംഭ ലക്ഷണങ്ങള്: മാതാപിതാക്കള് അറിഞ്ഞിരിക്കേണ്ട കാര്യങ്ങള്
- കൊല്ലത്ത് മുടി വെട്ടിയിലെന്ന കാരണത്താല് വിദ്യാര്ഥികളായ 14 പേരെ സ്കൂളില് നിന്ന് പുറത്താക്കി; മഴ നനഞ്ഞു നിന്നെന്ന് കുട്ടികളുട പരാതി
അപരിചിതരോടു ലിഫ്റ്റ് ചോദിക്കരുത്; മാതാപിതാക്കള് കുട്ടികളെ ബോധവത്കരിക്കുക
ഇതിനു പിന്നില് ഒളിഞ്ഞിരിക്കുന്ന അപകട സാധ്യതകളെ കുറിച്ച് ബോധവത്കരിക്കുകയാണ് മോട്ടോര് വാഹന വകുപ്പ്
Asking Lift
സ്കൂളിലേക്ക് പോകുന്ന വിദ്യാര്ഥികള് റോഡില് ലിഫ്റ്റ് ചോദിച്ചു കൈ കാണിക്കുന്നത് പതിവ് കാഴ്ചയാണ്. നടന്നോ ബസിലോ പോകുന്ന കഷ്ടപ്പാട് ഒഴിവാക്കാമല്ലോ എന്നു കരുതിയാണ് കുട്ടികള് ഇങ്ങനെ ചെയ്യുന്നത്. എന്നാല് ഇതിനു പിന്നില് ഒളിഞ്ഞിരിക്കുന്ന അപകട സാധ്യതകളെ കുറിച്ച് ബോധവത്കരിക്കുകയാണ് മോട്ടോര് വാഹന വകുപ്പ്.
എംവിഡി പങ്കുവെച്ച കുറിപ്പ് വായിക്കാം:
വിദ്യാര്ഥികള് സ്കൂളില് പോകുന്ന സമയത്തും തിരികെ വീട്ടില് വരുന്ന സമയത്തും റോഡിലൂടെ പോകുന്ന വാഹനങ്ങള്ക്കു കൈ കാണിച്ച് ലിഫ്റ്റ് ചോദിക്കുന്നത് പതിവ് കാഴ്ചയാണ്. പക്ഷേ, ഇത് ചിലപ്പോള് ഒരു അപകടത്തിലേക്ക് നയിക്കാം.
വാഹനം ഓടിക്കുന്ന വ്യക്തിയുടെ സ്വഭാവം, പാശ്ചാത്തലം എന്നിവ അറിയാത്ത സാഹചര്യത്തില് ലിഫ്റ്റ് വാങ്ങിയുള്ള യാത്ര അപകടത്തില് കലാശിക്കാനുള്ള സാധ്യത ഏറെയാണ്.
അമിത വേഗത്തില് വാഹനം ഓടിക്കുന്നവര്, അശ്രദ്ധമായി വാഹനം ഉപയോഗിക്കുന്നവര്, മദ്യപിച്ച് വാഹനം ഓടിക്കുന്നവര്, മയക്കു മരുന്ന് ഉപയോഗിക്കുന്നവര് / കടത്തുന്നവര്, കുട്ടികളെ തട്ടിക്കൊണ്ട് പോകുന്നവര്, കുട്ടികളോട് മോശമായി പെരുമാറുന്നവര്, മറ്റു ക്രിമിനല് പശ്ചാത്തലം ഉള്ളവര് എന്നിങ്ങനെ ലിഫ്റ്റ് ചോദിച്ച് പോകുമ്പോള് നിങള് നേരിടേണ്ടി വന്നേക്കാവുന്ന വിപത്തുകള് അനവധിയാണ്. അതിനാല് കഴിവതും അപരിചിതരോട് ലിഫ്റ്റ് ചോദിക്കുന്നത് ഒഴിവാക്കുക.
അപരിചതരായ വ്യക്തികള് അവരുടെ വാഹനത്തില് ലിഫ്റ്റ് തന്നാലും, നിങ്ങളോട് കയറാന് നിര്ബന്ധിച്ചാലും അത്തരം അവസരങ്ങള് ഒഴിവാക്കുക. സ്കൂള് ബസുകള്, പൊതു ഗതാഗത സംവിധാനങ്ങള് എന്നിവ പരമാവധി ഉപയോഗിക്കുക. നടന്നു പോകാവുന്ന ദൂരം, റോഡിന്റെ വലതു വശം ചേര്ന്ന്, കരുതലോടെ നടക്കുക. നടത്തം ആരോഗ്യത്തിനും നല്ലതാണ്. സ്കൂള് യാത്രകള്ക്ക് മാത്രമല്ല, എല്ലാ യാത്രകള്ക്കും ഇത് ബാധകമാണ്. യാത്രകള് അപകട രഹിതമാക്കാന് നമുക്ക് ശ്രദ്ധയോടും കരുതലോടും കൂടി മുന്നോട്ട് പോകാം.
