സ്വകാര്യ മെഡിക്കൽ കോളെജിൽ ചികിത്സയിലിരുന്ന വിദ്യാർത്ഥി അശുപത്രി കെട്ടിടത്തിൽനിന്നും ചാടി ജീവനൊടുക്കി. കൊല്ലം പൻമന സ്വദേശി ഖൈസ് ബഷീറാണ് ജീവനൊടുക്കിയത്. കഴുത്തിൽ ഞരമ്പ് മുറിച്ച് ആത്മഹത്യക്ക് ശ്രമിച്ചതോടെയാണ് വിദ്യാർത്ഥിയെ ആശുപത്രിയിൽ ചികിത്സക്കെത്തിച്ചത്. ആത്മഹത്യ പ്രവണത നിലനിന്നിരുന്നതിനാൽ വിദ്യർത്ഥിക്ക് കൗൺസലിംഗ് നൽകിവരികയായിരുന്നു. ഇതിനിടെയാണ് സംൻഭവം.

ഖൈസ് ബഷീർ പ്ലസ് ടു വരെ ബഹറൈനിലാന് പഠിച്ചിരുന്നത്. പ്ലസ്ടുവിന് ശേഷം മാതാപിതക്കൾ ഖൈസിനെ നാട്ടിൽ മെഡിക്കൽ എൻട്രൻസ് പരിശീലനത്തിന് ചേർത്തു. എന്നാൽ മെഡിക്കൽ എൻട്രൻസ് പഠിക്കാൻ താൽപര്യമില്ലാതിരുന്ന ഖൈസ് സമ്മർദ്ദം സഹിക്കവയ്യാതെ കഴിഞ്ഞ ദിവസം കഴുത്തിലെ ഞരമ്പ് മുറിച്ച് ആത്മഹത്യക്ക് ശ്രമിക്കുകയായിരുന്നു.

നാട്ടുകാരാണ് വിദ്യാർത്ഥിയെ ആശുപത്രിയിലെത്തിച്ചത്. അപകന്നില തരണം ചെയ്ത ശേഷം ശനിയാഴ്ച വിദ്യാർത്ഥിയെ കൗൺസലിംഗ് നൽകിവരികയായിരുന്നു. ഇതിനിടെയാന് ആശുപത്രി കെട്ടിടത്തിന്റെ നാലാംനിലയിൽനിന്നും ചാടി വിദ്യാർത്ഥി ജീവനൊടുക്കിയത്. .