രാജ്യത്തെ രാഷ്ട്രീയകൊലപാതകങ്ങളുടെ കാര്യത്തില്‍ ഒന്നാംസ്ഥാനത്തേക്കുള്ള കുതിപ്പിലാണ് ഇപ്പോള്‍ കേരളമെന്ന് നടന്‍ ശ്രീനിവാസന്‍. ഇക്കാര്യത്തില്‍ മാത്രമേ കേരളത്തിന് ഒന്നാം സ്ഥാനത്തെത്താന്‍ സാധിക്കൂയെന്നും കാലിക്കറ്റ് പ്രസ്‌ക്ലബിന്റെ കീഴില്‍ നടന്ന ഫോട്ടോഗ്രാഫര്‍മാരുടെ പ്രദര്‍ശനം ലളിതകലാ അക്കാദമി ആര്‍ട്ട്ഗാലറിയില്‍ ഉദ്ഘാടനം ചെയ്യവെ അദ്ദേഹം പരിഹസിച്ചു.

കേരളത്തിലെ ജനങ്ങള്‍ കൊലപാതകങ്ങള്‍ കണ്ടുരസിക്കുകയാണ്. ജനങ്ങളുടെ മുന്നില്‍ മറ്റൊരു ചോയ്സ് ഇല്ലാത്തതിനാലാണ് ഏതെങ്കിലും ഒരുത്തനെ തെരഞ്ഞെടുപ്പില്‍ വിജയിപ്പിക്കുന്നത് എന്ന നിലയിലേക്ക് ഇവിടുത്തെ കാര്യങ്ങള്‍ മാറിയിരിക്കുന്നത്. പൊതുജനങ്ങളുടെ നികുതിപ്പണം കൊണ്ടാണ് ഇവിടുത്തെ അധികാരികള്‍ സുഖിച്ചു ജീവിക്കുന്നതെന്നും ശ്രീനിവാസന്‍ കുറ്റപ്പെടുത്തി.