കേരളം ഭരിച്ച സാമ്രാജ്യത്വശക്തിയായ മഹാബലിയില്‍ നിന്ന് ഒരു കുഞ്ഞിക്കാല്‍ വെച്ച് കേരളത്തെ മോചിപ്പിച്ച സ്വാതന്ത്ര്യസമര സേനാനിയാണ് വാമനനെന്ന് പ്രസ്താവന നടത്തിയ വിഎച്ച്പി നേതാവ് ശശികലയ്ക്ക് നവമാധ്യമങ്ങളില്‍ പരിഹാസപെരുമഴ. പതിവുപോലെതന്നെ സിനിമാ ക്ലിപ്പുകള്‍ ഉപയോഗിച്ചാണ് വിമര്‍ശനമുനയുള്ള നിരവധി ട്രോളുകള്‍ പ്രത്യക്ഷപ്പെട്ടിരിക്കുന്നത്‍.



തിരുവോണം വാമനാവതാര ദിനമാണെന്നാണ് ആര്‍എസ്എസ് നിലപാടെന്നും ആ ദിവസം വാമനജയന്തിയായാണ് ആഘോഷിക്കേണ്ടതെന്നും മുഖപത്രം കേസരിയും വ്യക്തമാക്കിയിരുന്നു. വാമന മൂര്‍ത്തിയെയാണ് ഓണത്തപ്പനായി പൂജിക്കുന്നതെന്നും മഹാബലിയെ ഓണത്തപ്പനായി തെറ്റിദ്ധരിക്കുകയാണ് ജനങ്ങളെന്നും കേസരി പറഞ്ഞിരുന്നു. ഇതിന് പിന്നാലെയാണ് സംഘപരിവാറിനെ കടത്തിവെട്ടുന്ന വിശദീകരണവുമായി ശശികല രംഗത്തെത്തിയത്.