അനുബന്ധ വാര്ത്തകള്
- ചടങ്ങുകളിലെത്തുക ആഡംബരക്കാറുകളുടെ അകമ്പടിയോടെ, നൽകുന്നത് ആരും പ്രതീക്ഷിക്കാത്ത സംഭാവനകൾ: തട്ടിപ്പിൽ പ്രോ!
- മോൻസൻ മാവുങ്കലിന്റെ കേസിലെ ഇടപെടൽ: ഐജി ലക്ഷ്മണിന് കാരണം കാണിക്കൽ നോട്ടീസ്
- 25 ലക്ഷം നൽകിയത് കെ സുധാരന്റെ സാന്നിധ്യത്തിലെന്ന് പരാതിക്കാരൻ, മോൻസന്റെ ഉന്നതബന്ധങ്ങൾ ഞെട്ടിപ്പിക്കുന്നത്
- വാഹനം ഇടിച്ചുകൊല്ലും: കെടി ജലീലിന് വധഭീഷണി ഡിജിപിക്ക് പരാതി നൽകി
- 'ഓടിച്ചാടി' നടക്കുന്ന പൊലീസ് ഉദ്യോഗസ്ഥന്, രാവിലെ 15 കിലോമീറ്റര് ഓട്ടം; കേരളത്തിന്റെ പുതിയ ഡിജിപിയെ കുറിച്ച് അറിയാം
ബൈജുവിനെ മോൻസനാക്കി മോർഫിങ്, ഡിജിപിക്ക് പരാതി നൽകി മന്ത്രി ശിവൻകുട്ടി
മോൻസൻ മാവുങ്കലിനൊപ്പം എന്ന പേരിൽ തന്റെ പേരിൽ മോർഫ് ചെയ്ത ചിത്രം പ്രചരിപ്പിച്ച സംഭവത്തിൽ മന്ത്രി ശിവൻകുട്ടി ഡിജിപിക്ക് പരാതി നൽകി. പ്രചരിക്കുന്ന പോസ്റ്റുകൾക്ക് പിന്നിൽ രാഷ്ട്രീയതാത്പര്യമാണെന്ന് മന്ത്രി നൽകിയ പരാതിയിൽ പറയുന്നു.നടൻ ബൈജുവിന് ഒപ്പം മന്ത്രി നിൽക്കുന്ന ചിത്രമാണ് മോർഫ് ചെയ്ത് പ്രചരിപ്പിച്ചത്. ഫേസ്ബുക്കിലൂടെയാണ് പരാതി നൽകിയ കാര്യം മന്ത്രി അറിയിച്ചത്.
മന്ത്രി വി ശിവൻകുട്ടിയുടെ ഫേസ്ബുക്ക് പോസ്റ്റ്
ക്രൈംബ്രാഞ്ച് അന്വേഷിക്കുന്ന കേസിലെ പ്രതി മോൻസൻ മാവുങ്കലിനൊപ്പം എന്ന രീതിയിൽ എന്നെയും ചേർത്ത് ഒരു ഫോട്ടോ നിക്ഷിപ്ത താൽപര്യക്കാർ പ്രചരിപ്പിക്കുന്നുണ്ട്. തെരഞ്ഞെടുപ്പുകാലത്ത് നടൻ ബൈജു വീട്ടിൽ എത്തിയപ്പോൾ ഞങ്ങൾ രണ്ടുപേരുമുള്ള ഫോട്ടോ എടുത്തിരുന്നു. ഈ ഫോട്ടോ മോർഫ് ചെയ്ത് മോൻസൻ മാവുങ്കലിനൊപ്പം നിൽക്കുന്നു എന്ന തരത്തിലാണ് പ്രചരിപ്പിക്കുന്നത്.
ഷീബ രാമചന്ദ്രൻ എന്ന പേരിലുള്ള അക്കൗണ്ടിൽ നിന്നും കൊണ്ടോട്ടി പച്ചപ്പട എന്ന പേരിലും ചിത്രങ്ങൾ പ്രചരിക്കുന്നുണ്ട്. ഇത് സംബന്ധിച്ച് അന്വേഷണം നടത്താൻ ഞാൻ ഡിജിപിക്ക് പരാതി നൽകിയിട്ടുണ്ട്.
വെറുതെ ഒരു പോസ്റ്റ് ഉണ്ടായതല്ല എന്ന് ഉറപ്പാണ്. പോസ്റ്റിന് പിന്നിൽ ചില രാഷ്ട്രീയ താൽപര്യങ്ങൾ ഉണ്ട് എന്ന് ഞാൻ സംശയിക്കുന്നു.
