അനുബന്ധ വാര്ത്തകള്
- നിപ: ഇന്ന് പുതിയ പോസിറ്റീവ് കേസുകള് ഇല്ല, സമ്പര്ക്കപ്പട്ടികയില് 915 പേര്
- കുമരകത്ത് യാത്രക്കാരിയുടെ കഴുത്തില് കിടന്നിരുന്ന സ്വര്ണമാല കവരാന് ശ്രമം: തമിഴ്നാട് സ്വദേശിനികളായ രണ്ട് സ്ത്രീകളെ പോലീസ് അറസ്റ്റ് ചെയ്തു
- കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള് തിങ്കളാഴ്ച മുതല് പ്രവര്ത്തിക്കും; കുട്ടികളെ സ്കൂളിലേക്ക് അയക്കുമ്പോള് ഇക്കാര്യങ്ങള് ശ്രദ്ധിക്കുക
- കണ്ണൂരില് ഫുട്ബോള് കളിക്കുന്നതിനിടെ 19കാരന് കുഴഞ്ഞുവീണ് മരിച്ചു
- മഴ ശക്തമാകുന്നു; ആറുജില്ലകളില് യെല്ലോ അലര്ട്ട് പ്രഖ്യാപിച്ചു
സ്റ്റേറ്റ് എലിജിബിലിറ്റി ടെസ്റ്റ് 2024: ഓണ്ലൈന് രജിസ്ട്രേഷന് ഒക്ടോബര് 25 വരെ
ഹയര് സെക്കണ്ടറി, നോണ് വൊക്കേഷണല് ഹയര്സെക്കണ്ടറി അധ്യാപക നിയമനത്തിന് കേരള സര്ക്കാര് ഏര്പ്പെടുത്തിയിരിക്കുന്ന സംസ്ഥാനതല യോഗ്യതാ നിര്ണ്ണയ പരീക്ഷയായ സെറ്റ് (സ്റ്റേറ്റ് എലിജിബിലിറ്റി ടെസ്റ്റ്) നുള്ള ഓണ്ലൈന് രജിസ്ട്രേഷന് ഒക്ടോബര് 25 വരെ. എല്.ബി.എസ്. സെന്റര് ഫോര് സയന്സ് ആന്ഡ് ടെക്നോളജിയെയാണ് പരീക്ഷാ നടത്തിപ്പിനു ചുമതലപ്പെടുത്തിയിരിക്കുന്നത്. സെറ്റ് ജനുവരി 2024-ന്റെ പ്രോസ്പെക്ടസും, സിലബസും എല് ബി എസ് സെന്ററിന്റെ വെബ് സൈറ്റില് ലഭിക്കും.
ബിരുദാനന്തര ബിരുദ പരീക്ഷയില് 50% ത്തില് കുറയാതെ മാര്ക്ക് അല്ലെങ്കില് തത്തുല്യ ഗ്രേഡും, ബി.എഡ്-ഉം ആണ് അടിസ്ഥാന യോഗ്യത. ചില പ്രത്യേക വിഷയങ്ങളില് ബിരുദാനന്തര ബിരുദമുള്ളവരെ ബി.എഡ്. വേണമെന്ന നിബന്ധനയില് നിന്നും ഒഴിവാക്കിയിട്ടുണ്ട്. LTTC, DLED തുടങ്ങിയ ട്രെയിനിംഗ് കോഴ്സുകള് വിജയിച്ചവരെ സെറ്റിന് പരിഗണിക്കുന്നതാണ്.എസ്.സി./എസ്.ടി. വിഭാഗത്തില്പ്പെടുന്നവര്ക്കും പി.ഡബ്ലിയു.ഡി. വിഭാഗത്തില്പ്പെടുന്നവര്ക്കും ബിരുദാനന്തര ബിരുദത്തിന് 5% മാര്ക്കിളവ് അനുവദിച്ചിട്ടുണ്ട്.
പോസ്റ്റ് ഗ്രാജുവേറ്റ് ബിരുദം മാത്രം നേടിയവര് ബി.എഡ് കോഴ്സ് അവസാന വര്ഷം പഠിച്ചുകൊണ്ടിരിക്കുന്നവര് ആയിരിക്കണം, അവസാനവര്ഷ പോസ്റ്റ് ഗ്രാജുവേറ്റ് കോഴ്സ് പഠിക്കുന്നവര്ക്ക് ബി.എഡ്. ബിരുദം ഉണ്ടായിരിക്കണം, ഈ നിബന്ധന പ്രകാരം സെറ്റ് പരീക്ഷ എഴുതുന്നവര് അവരുടെ പി.ജി./ബി.എഡ്. പരീക്ഷയുടെ നിശ്ചിത യോഗ്യത സെറ്റ് പരീക്ഷയുടെ ഫലം പ്രഖ്യാപിച്ച തീയതി മുതല് ഒരു വര്ഷത്തിനകം നേടിയിരിക്കണം. അല്ലാത്തപക്ഷം അവരെ ആ ചാന്സില് സെറ്റ് പരീക്ഷ പാസായതായി പരിഗണിക്കില്ല.
