അനുബന്ധ വാര്ത്തകള്
- ലോണ് ആപ്പ് തട്ടിപ്പുകള് സംബന്ധിച്ച പരാതികളിന്മേല് നടപടിയുമായി പൊലീസ്; വിളിക്കേണ്ട നമ്പര് ഇതാണ്
- ഇടവിട്ടുള്ള മഴ ഡെങ്കിപ്പനി വ്യാപിക്കാന് കാരണമാകുന്നു; മുന്നറിയിപ്പുമായി ആരോഗ്യവകുപ്പ്
- കന്നിമാസ പൂജകള് പൂര്ത്തിയാക്കി ശബരിമലയില് നട അടച്ചു; അടുത്തമാസം 17ന് നടതുറക്കും
- രാവിലെ ധാരാളം വെള്ളം കുടിക്കും, സായ് പല്ലവിയുടെ സൗന്ദര്യ രഹസ്യം ഇതോ ?
- പരസ്യ ചിത്രങ്ങളില് കാണാറില്ല, സിനിമയില് നിന്ന് മാത്രം കോടികളുടെ വരുമാനം, നടി സായ് പല്ലവിയുടെ ആസ്തി
മഴ ശക്തമാകുന്നു; ആറുജില്ലകളില് യെല്ലോ അലര്ട്ട് പ്രഖ്യാപിച്ചു
മഴ ശക്തമാകുന്നതിനെ തുടര്ന്ന് ആറുജില്ലകളില് യെല്ലോ അലര്ട്ട് പ്രഖ്യാപിച്ചു. ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്
എന്നീ ജില്ലകളിലാണ് മഞ്ഞ അലര്ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്. തെക്കന് കേരളത്തില് മഞ്ഞ അലര്ട്ട് ആണ് പ്രഖ്യാപിച്ചിരിയ്ക്കുന്നതെങ്കിലും മഴ ശക്തി പ്രാപിയ്ക്കാന് സാധ്യതയുള്ളതിനാല് മലയോര മേഖലയില് പ്രത്യേക ജാഗ്രത പുലര്ത്തേണ്ടതാണ്.
അടുത്ത 3 മണിക്കൂറില് കേരളത്തിലെ ആലപ്പുഴ, കോട്ടയം, എറണാകുളം ജില്ലകളില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ നേരിയതോ മിതമായതോ ആയ മഴയ്ക്കും മണിക്കൂറില് 40 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും; ഇടുക്കി, തൃശ്ശൂര്,പാലക്കാട് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
