പാലക്കാട്: ആലത്തൂരിൽ എരിമയൂർ എസ് ബി ഐ എടിഎമ്മിൽ കവർച്ചാ ശ്രമം. ഞായറാഴ്ച പുലർച്ചയോടെയാണ് കവർച്ചാ ശ്രമം ഉണ്ടായത്. എ ടി എം മെഷീൻ ഇളക്കിമാറ്റി പണം എടുക്കാനാണ് ശ്രമം നടന്നിരിക്കുന്നത്. പണം നഷ്ടപ്പെട്ടിട്ടില്ല എന്നാണ് പ്രാഥമിക നിഗമനം.

മോഷ്ടാക്കൾ എ ടി എം മെഷീൻ ഇളക്കി മറ്റുന്നതടക്കം മോഷണ ശ്രമത്തിന്റെ സി സി ടി വി ദൃശ്യങ്ങൾ പൊലീസിനു ലഭിച്ചിട്ടുണ്ട്. ദൃശ്യങ്ങൾ സൂക്ഷ്മമായി പരിശോധിച്ച ശേഷം തുടർ നടപടികൾ സ്വീകരിക്കും എന്ന് പൊലീസ് അറിയിച്ചു.