മകരവിളക്ക് : തിരുവാഭരണ ഘോഷയാത്രയ്ക്ക് തുടക്കമായി
sabarimala
ഘോഷയാത്ര വിവിധ സ്ഥലങ്ങളില് ലഭിക്കുന്ന സ്വീകരണം ഏറ്റുവാങ്ങിയാണ് തിരുവാഭരണ ദിവസം ഘോഷയാത്ര ശബരിമലയില് എത്തുന്നത്.
പന്തളം കൊട്ടാരത്തിലെ തൃക്കേട്ട രാജരാജ വര്മ്മയാണ് ഘോഷയാത്ര നയിക്കുന്നത്.
ഇത്തവണയും തിരുവാഭരണം വഹിക്കുന്നത് ഗുരുസ്വാമി കുളത്തിനാല് ഗംഗാധരന് പിള്ളയടക്കം 26 അംഗ സംഘമാണ്. പന്തളം വലിയകോയിക്കല് ക്ഷേത്രത്തില് പ്രത്യേക പൂജകള്ക്ക് ശേഷമാണ് തിരുവാഭര യാത്ര ആരംഭിച്ചത്.
തിരുവാഭരണ ഘോഷയാത്ര കടന്നുപോകുന്ന പാതയില് 11 സ്ഥലങ്ങളില് ആഭരണപ്പെട്ടികള് തുറന്ന് ഭക്തര്ക്ക് ദര്ശനമുണ്ടാകും. കുളനട ഭഗവതിക്ഷേത്രം, ഉള്ളന്നൂര് ദേവീക്ഷേത്രം, കുറിയാനപ്പള്ളി ദേവീക്ഷേത്രം, പാമ്പാടിമണ് അയ്യപ്പ ക്ഷേത്രം, അയിരൂര് പുതിയകാവ് ദേവീക്ഷേത്രം, തിരുവാഭരണപ്പാറ ഇടക്കുളം അയ്യപ്പക്ഷേത്രം, വടശേരിക്കര ചെറുകാവ് ദേവീക്ഷേത്രം, പ്രയാര് മഹാവിഷ്ണു ക്ഷേത്രം, കൊട്ടാരത്തില് രാജരാജേശ്വരീ മണ്ഡപം, ളാഹ വനംവകുപ്പ് സത്രം എന്നിവിടങ്ങളിലാണ് തിരുവാഭരണം ദര്ശനത്തിനു സൗകര്യമൊരുക്കുന്നത്.
