അനുബന്ധ വാര്ത്തകള്
- ശബരിമല സ്വര്ണ്ണക്കൊള്ള കേസ്: മുന് പ്രതിപക്ഷനേതാവ് രമേശ് ചെന്നിത്തല എസ്ഐടിക്ക് മുന്നില് മൊഴി നല്കും
- എല്ലാ തീരുമാനത്തിനും കൂട്ടുത്തരവാദിത്വം ഉണ്ട്: ശബരിമല സ്വര്ണകൊള്ളക്കേസില് പ്രതികരണവുമായി എ പത്മകുമാര്
- ശബരിമല സ്വര്ണ്ണക്കൊള്ള കേസില് വീണ്ടും അറസ്റ്റ്; പിടിയിലായത് മുന് തിരുവാഭരണം കമ്മീഷണര് കെഎസ് ബൈജു
- ശബരിമല സ്വര്ണ്ണക്കൊള്ള കേസ്: മണിക്കൂറുകള് നീണ്ട ചോദ്യം ചെയ്യലിനു ശേഷം ഉണ്ണികൃഷ്ണന് പോറ്റിയുടെ അറസ്റ്റ് രേഖപ്പെടുത്തി
- പുതിയ കേന്ദ്ര ബില് ഉന്നതവിദ്യാഭ്യാസ മേഖലയില് കടുത്ത പ്രതിസന്ധിയാകും: മന്ത്രി ആര് ബിന്ദു
ശബരിമല സ്വര്ണക്കൊള്ളക്കേസ്: പത്മകുമാറിന്റെയും ഉണ്ണികൃഷ്ണന് പോറ്റിയുടെയും ജാമ്യ അപേക്ഷ ഇന്ന് വിജിലന്സ് കോടതി പരിഗണിക്കും
ഇതുവരെ പരിഗണിച്ച പ്രതികളുടെ ജാമ്യ ഹര്ജികള് എല്ലാം കോടതി തള്ളിയിരുന്നു.
ശബരിമല സ്വര്ണക്കൊള്ളക്കേസില് എ പത്മകുമാറിന്റെയും ഉണ്ണികൃഷ്ണന് പോറ്റിയുടെയും ജാമ്യ അപേക്ഷ ഇന്ന് വിജിലന്സ് കോടതി പരിഗണിക്കും. കൊല്ലം വിജിലന്സ് കോടതിയാണ് പരിഗണിക്കുന്നത്. അറസ്റ്റിലായ ഉണ്ണികൃഷ്ണന് പോറ്റി ആദ്യമായിട്ടാണ് ജാമ്യ അപേക്ഷ നല്കുന്നത്. ഇതുവരെ പരിഗണിച്ച പ്രതികളുടെ ജാമ്യ ഹര്ജികള് എല്ലാം കോടതി തള്ളിയിരുന്നു.
അന്വേഷണം പുരോഗമിക്കുന്ന ഘട്ടത്തില് പ്രതികളില് ആര്ക്കും ജാമ്യം അനുവദിക്കരുതെന്ന് പ്രോസിക്യൂഷന് വാദിച്ചു. കേസിലെ കള്ളപ്പണ ഇടപാട് ഇഡി അന്വേഷിക്കുന്നുണ്ട്. ദ്വാരപാലക ശില്പ കവര്ച്ച കേസിലാണ് പത്മകുമാര് ജാമ്യത്തിനായി അപേക്ഷിച്ചത്. കട്ടിള പാളി കേസില് പത്മകുമാര് സമര്പ്പിച്ച ജാമ്യ ഹര്ജി നേരത്തെ തള്ളിയിരുന്നു.
അതേസമയം കേസില് നേരത്തെ അറസ്റ്റിലായ ദേവസ്വം ബോര്ഡ് മുന് പ്രസിഡന്റ് വാസുവിന്റെ ജാമ്യ അപേക്ഷയില് ഹൈക്കോടതി ഇന്ന് വിധി പറഞ്ഞേക്കും. സ്വര്ണം പൊതിഞ്ഞതിന് രേഖകളില്ലെന്നായിരുന്നു ജാമ്യം ഹര്ജിയില് വാസുവിന്റെ പ്രധാന വാദം.
