അനുബന്ധ വാര്ത്തകള്
- Sabarimala: ഇനി ശരണംവിളിയുടെ പുണ്യനാളുകള്; വൃശ്ചിക പുലരിയില് നട തുറന്നു
- Sabarimala News: ശബരിമല തീര്ഥാടകര് അവശ്യമായ മരുന്നുകള് കൈയില് കരുതുക; പനി പടരുന്നു
- Sabarimala News: തീര്ഥാടകര് ജാഗ്രത പാലിക്കുക; കരിമല, പുല്ലുമേട് കാനന പാതകളിലൂടെയുള്ള യാത്രയ്ക്കു നിരോധനം
- Sabarimala News: മാളികപ്പുറത്ത് നാളികേരം ഉരുട്ടല് വേണ്ട; മഞ്ഞള്പ്പൊടി, ഭസ്മം വിതറല് എന്നിവ നിരോധിക്കും
- Sabarimala News: കുറഞ്ഞത് 40 പേരുണ്ടെങ്കില് ആവശ്യപ്പെടുന്ന സ്ഥലത്തേക്ക് കെ.എസ്.ആര്.ടി.സി ബസ്
ശബരിമലയില് വന് ഭക്തജനത്തിരക്ക്; ദര്ശനം സുഗമമാക്കി നിയന്ത്രണങ്ങള്
രാവിലെ 5.45 ന് മരക്കൂട്ടത്തിനു സമീപം വരെ എത്തിയ നീണ്ട ക്യൂ മണിക്കൂറുകളോളം തുടര്ന്നു
വന് ഭക്തജനത്തിരക്കിനിടയിലും ശബരിമലയില് അയ്യപ്പഭക്തര്ക്കു സുഖദര്ശനം. സര്ക്കാരിന്റെയും ദേവസ്വം ബോര്ഡിന്റെയും നേതൃത്വത്തില് ഭക്തജനത്തിരക്ക് നിയന്ത്രിക്കാന് നടപ്പിലാക്കിയ നിയന്ത്രണങ്ങള് വിജയകരം.
രാവിലെ 5.45 ന് മരക്കൂട്ടത്തിനു സമീപം വരെ എത്തിയ നീണ്ട ക്യൂ മണിക്കൂറുകളോളം തുടര്ന്നു. നിലയ്ക്കല് പാര്ക്കിങ് ഗ്രൗണ്ടില് വാഹനങ്ങള് നിറഞ്ഞു. തിരക്കു കാരണം ദര്ശനം കഴിയുന്ന തീര്ഥാടകര് അപ്പോള് തന്നെ പമ്പയിലേക്കു മലയിറങ്ങുകയാണ്. നൂറുകണക്കിനു പൊലീസ് ഉദ്യോഗസ്ഥര് തിരക്ക് നിയന്ത്രിക്കാന് ഉണ്ട്.
തീര്ഥാടകരുടെ സുഗമമായ യാത്രയ്ക്കു കെഎസ്ആര്ടിസി ആദ്യഘട്ടത്തില് 450 ബസുകളാണ് ഏര്പ്പെടുത്തിയിരുന്നത്. നിലയ്ക്കല് - പമ്പ ചെയിന് സര്വീസിന് ഓരോ മിനിറ്റിലും മൂന്ന് ബസുകള് വീതം ഏര്പ്പെടുത്തിയിട്ടുണ്ട്. ഭക്തജനത്തിരക്ക് വര്ധിക്കുന്ന സാഹചര്യത്തില് തീര്ഥാടകര്ക്കായി കൂടുതല് ബസ് സൗകര്യം ഒരുക്കും. പമ്പ - നിലയ്ക്കല് ചെയിന് സര്വീസിനു മാത്രമായി 202 ബസുകളാണ് എത്തിച്ചിട്ടുള്ളത്. ലോ ഫ്ളോര് എസി, ലോഫ്ലോര് നോണ് എസി ബസുകള് ഉള്പ്പെടെ ശബരിമലയില് സര്വീസ് നടത്തുന്നുണ്ട്.
