സംസ്ഥാനത്തെ റേഷന്‍ കടകള്‍ 15,16,17 തീയതികളില്‍ പ്രവര്‍ത്തിക്കില്ലെന്ന് ഭക്ഷ്യമന്ത്രി ജി ആര്‍ അനില്‍. റേഷന്‍ കാര്‍ഡുകളുടെ മസ്റ്ററിങ് നടത്തുന്നത് മൂലമാണ് അവധി. കേന്ദ്രസര്‍ക്കാര്‍ നിര്‍ദേശിച്ച ഇ കെ വൈ സി അപ്‌ഡേഷനില്‍ നിന്നും മാറിനില്‍ക്കാന്‍ കേരളത്തിന് കഴിയില്ല എന്ന സാഹചര്യത്തിലാണ് മൂന്ന് ദിവസം റേഷന്‍ വിതരണം നിര്‍ത്തിവെച്ചുകൊണ്ട് പൂര്‍ണമായി അപ്‌ഡേഷന്‍ നടത്താന്‍ ഭക്ഷ്യവകുപ്പ് തീരുമാനിച്ചത്.

റേഷന്‍ കടകള്‍ സ്ഥിതി ചെയ്യുന്ന കേന്ദ്രത്തിന് സമീപത്തെ പൊതുഇടത്ത് വെച്ച്( സ്‌കൂള്‍,വായനശാല,അംഗന്‍വാടി,ക്ലബ്) ഇ കെ വൈ സി അപ്‌ഡേഷന്‍ മാത്രമായി നടത്താനാണ് തീരുമാനം. റേഷന്‍ വിതരണത്തില്‍ തടസം നേരിട്ടതിനെ തുടര്‍ന്ന് മസ്റ്ററിംഗ് ഈ മാസം 10 വരെ നിര്‍ത്തിവെച്ചിരുന്നു.