കാട്ടാക്കട|
Last Modified വ്യാഴം, 10 ജൂലൈ 2014 (16:05 IST)
വനിതാ ഓട്ടോഡ്രൈവറെ വീട്ടില്‍ കയറി മാനഭംഗപ്പെടുത്തിയ ശേഷം ഒളിവില്‍ പോയ യുവാവിനെ ആര്യന്‍കോട് പൊലീസ് അറസ്റ്റ് ചെയ്തു. ആറു മാസം മുമ്പാണു പീഡനം നടന്നത്. പെരുങ്കടവിള ഉടുക്കോട്ടുകോണം മേക്കും‍കര പുത്തന്‍ വീട്ടില്‍ ജെ ശ്രീജിത്ത്(25) ആണ് പിടിയിലായത്.
പീഡനം സംബന്ധിച്ച് പ്രതിക്കെതിരെ കേസ് വന്നപ്പോള്‍ പ്രതിയായ ഒളിവില്‍ പോവുകയായിരുന്നു.
പെരുങ്കടവിളയ്ക്കടുത്ത് പഴമല സ്വദേശിനിയാണു പീഡനത്തിനു വിധേയയായ ഓട്ടോറിക്ഷാ ഡ്രൈവര്‍.
ആര്യന്‍കോട് പൊലീസ് എസ്ഐ മാഹീന്‍റെ നേതൃത്വത്തിലുള്ള പൊലീസ് സംഘമാണ്‌ ശ്രീജിത്തിനെ പിടിച്ചത്. കഴിഞ്ഞ ദിവസം പ്രതി നാട്ടിലെത്തിയ വിവരമറിഞ്ഞ് പൊലീസ് എത്തി പ്രതിയെ വലയിലാക്കുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
