16 ദിവസമായി ഒരു കൊവിഡ് 19 പൊസിറ്റീവ് കേസുപോലുമില്ല, വയനാടിനെ കുറിച്ച് അഭിമാനം തോന്നുന്നു: രാഹുൽ ഗാന്ധി

വെബ്ദുനിയ ലേഖകൻ| Last Updated: വ്യാഴം, 16 ഏപ്രില്‍ 2020 (09:20 IST)
കൊച്ചി: 16 ദിവസമായി ഒറ്റ പൊസിറ്റിവ് കേസുപോലും റിപ്പോര്‍ട്ട് ചെയ്യാത്ത വയനാടിനെ കുറിച്ച്‌ ഓര്‍ത്ത് അഭിമാനമുണ്ടെന്ന് വയനാട് എംപി രാഹുല്‍ ഗാന്ധി. ഫെയ്സ്‌ബുക്ക് കുറിപ്പിലൂടെയാണ് വയനാടിനെ അഭിനന്ദിച്ച് രാഹുൽ ഗാന്ധി രംഗത്തെത്തിയത്.

'വയനാട് ജില്ല എന്റെ മണ്ഡലത്തിലാണെന്നതില്‍ ഞാന്‍ അഭിമാനിക്കുന്നു. കൊറോണയ്‌ക്കെതിരായ പ്രതിരോധ പ്രവര്‍ത്തനങ്ങളില്‍ വയനാട് മികച്ച പ്രവര്‍ത്തനമാണ് നടത്തിയതെന്ന് ആരോഗ്യമന്ത്രാലയം തന്നെ വ്യക്തമാക്കിയിരിക്കുന്നു. കഴിഞ്ഞ 16 ദിവസത്തിനിടെ ഒരു കോവിഡ് പൊസിറ്റിവ് കേസ് പോലും വയനാട്ടില്‍ റിപ്പോര്ട്ട് ചെയ്തിട്ടില്ല.' ജില്ലാ കളക്ടർക്കും, പൊലീസിനും ഡിഎംഒയ്ക്കും ഉൾപ്പടെ അഭിനന്ദനങ്ങൾ ആറിയിച്ചുകൊണ്ടാണ് രാഹുൽ ഗാാന്ധിയുടെ ഫെയിസ്ബുക്ക് പോസ്റ്റ്. മാര്‍ച്ച്‌ 30നാണ് വയനാട്ടില്‍ അവസാനമായി ഒരു കൊറോണ കേസ് സ്ഥിരീകരിച്ചത്



ഇതിനെക്കുറിച്ച് കൂടുതല്‍ വായിക്കുക :