അനുബന്ധ വാര്ത്തകള്
- രണ്ടാമതും അച്ഛനാകുന്നു, പതിനഞ്ചാം വിവാഹ വാര്ഷിക ദിനത്തിലെ സന്തോഷം
- മൂന്നാം ദിവസവും സെര്വര് തകരാര് മൂലം പലയിടത്തും ഓണക്കിറ്റ് വിതരണം മുടങ്ങി
- സംസ്ഥാനത്തെ ഓണക്കിറ്റ് വിതരണം 14.5 ലക്ഷം കടന്നു
- ജഗതിയുടെ മുഖത്തെ പുഞ്ചിരിക്ക് കാരണം സുരേഷ് ഗോപി, വീട്ടിലെത്തി ഓണക്കോടി സമ്മാനിച്ച് നടന്
- തൃശ്ശൂരില് വീടിന്റെ കോണിപ്പടിയില് നിന്ന് വീണ് രണ്ടുവയസ്സുകാരന് മരിച്ചു
തെരുവുനായ ശല്യം വ്യാപകം; തെരുവ് നായകളുടെ വന്ധ്യംകരണം വ്യാപകമായി നടപ്പാക്കും
പേവിഷ ബാധ നിയന്ത്രിക്കാന് ആരോഗ്യ, തദ്ദേശ സ്വയംഭരണ, മൃഗസംരക്ഷണ വകുപ്പുകളുടെ നേതൃത്വത്തില് പ്രത്യേക കര്മപദ്ധതി ആവിഷ്കരിക്കും. തദ്ദേശ സ്വയംഭരണ വകുപ്പ് മന്ത്രി എം.വി. ഗോവിന്ദന് മാസ്റ്റര്, ആരോഗ്യ മന്ത്രി വീണാ ജോര്ജ്, മൃഗസംരക്ഷണ വകുപ്പ് മന്ത്രി ജെ. ചിഞ്ചുറാണി എന്നിവരുടെ നേതൃത്വത്തില് ചേര്ന്ന ഉന്നതല യോഗത്തിലാണു തീരുമാനം.
തെരുവ് നായകളുടെ വന്ധ്യംകരണം വ്യാപകമായി നടപ്പാക്കും. ഇതോടൊപ്പം വാക്സിനേഷനും നടത്തും. വളത്തുനായകളുടെ വാക്സിനേഷനും ലൈസന്സും നടപ്പിലാക്കുന്നത് ഉറപ്പാക്കും. ഓരോ ബ്ലോക്കിലും ഓരോ വന്ധ്യംകരണ സെന്ററുകള് സ്ഥാപിക്കും.
വാക്സിനെടുക്കുന്നതിന് വിമുഖത പാടില്ല. പേവിഷബാധ മൂലമുള്ള മരണം ഒഴിവാക്കാന് ഒരുമിച്ച് പ്രവര്ത്തിക്കണം. ഇതിന് പൊതുജനങ്ങളുടെ പങ്കാളിത്തവും അവബോധവും പ്രധാനമാണ്. ശക്തമായ ബോധവത്ക്കരണം നടത്തും. എല്ലാ പ്രധാന ആശുപത്രികളിലും വാക്സിന് ഉറപ്പാക്കും. പേവിഷബാധ നിയന്ത്രിക്കാന് വിവിധ വകുപ്പുകള് ഏകോപിച്ച് പ്രവര്ത്തിക്കാനും യോഗം തീരുമാനിച്ചു.
