പിടിച്ചെടുത്ത നിരോധിത പുകയില ഉല്‍പ്പന്നങ്ങള്‍ പ്രതികള്‍ക്കുതന്നെ മറിച്ചു വിറ്റ് പൊലീസുകാര്‍. മലപ്പുറം കോട്ടക്കല്‍ പൊലീസ് സ്റ്റേഷനിലെ എഎസ് ഐ രജീന്ദ്രനും സീനിയര്‍ സിപിഒ സജി അലക്‌സാണ്ടറുമാണ് 14ലക്ഷം രൂപയുടെ പുകയില ഉല്‍പ്പന്നങ്ങള്‍ പ്രതികള്‍ക്കുതന്നെ മറിച്ചുവിറ്റത്. സംഭവത്തില്‍ അറസ്റ്റിലായ രണ്ടു പൊലീസുകാരേയും സര്‍വീസില്‍ നിന്ന് സസ്‌പെന്‍ഡ് ചെയ്തിട്ടുണ്ട്.

തൊണ്ടിമുതല്‍ പ്രതികള്‍ക്കു തന്നെ വിറ്റതിന് ഒരു ലക്ഷത്തി ഇരുപതിനായിരം രൂപയാണ് ഉദ്യോഗസ്ഥര്‍ കൈപ്പറ്റിയത്. 48,000 നിരോധിത പുകയില ഉല്‍പ്പന്നങ്ങളായിരുന്നു പിടിച്ചെടുത്തിരുന്നത്.