കാസർഗോഡ്: പെരിയ ഇരട്ടക്കൊലപാതക കേസിൽ കേസ് ഡയറിയും മറ്റു രേഖകളും പിടിച്ചെടുക്കുമെന്ന് ക്രൈംബ്രാഞ്ചിന് മുന്നറിയിപ്പ് നൽകി സിബിഐ. ആറുതവണ ചോദിച്ചിട്ടും കേസ് ഡയറി നൽകാത്ത പശ്ചാത്തലത്തിലാണ് സിബിഐ കടുത്ത നടപടിയിലേയ്ക്ക് നീങ്ങുന്നത്. സിആർപിസി 91 പ്രകാരമാണ് ക്രൈംബ്രാഞ്ച് ഡിവൈഎസ്‌പിയ്ക്ക് സിബിഐ നോട്ടീസ് നൽകിയത്. ഇത്തരത്തിൽ ഒരു നടപടി സംസ്ഥാനത്ത് അപൂർവമാണ്.

രേഖകൾ ആവശ്യപ്പെട്ട് കൊച്ചി സി‌ജെഎം കോടതിയിലും സിബിഐ അപേക്ഷ സമർപ്പിച്ചിട്ടുണ്ട്. തിങ്കളാഴ്ചയാണ് സിബിഐ കോടതിയെ സമീപിച്ചത്. ഫയലുകൾ കൈമാറുന്നതിന് ഉന്നത ഉദ്യോഗസ്ഥരിൽനിന്നും അനുമതി തെടിയിരിയ്ക്കുകയാണ് എന്നാണ് ക്രൈംബ്രാഞ്ചിന്റെ വിശദീകരണം. ഫയലുകൽ ഇല്ലെങ്കിലും സി‌ബിഐയ്ക്ക് അന്വേഷണം തുടങ്ങാനാകും എന്ന് ക്രൈംബ്രാഞ്ച് അന്വേഷണ സംഘം നേരത്തെ പറഞ്ഞിരുന്നു