എറണാകുളം: കൊവിഡ് പരിശോധനയ്‌ക്കായി കളമശ്ശേരി മെഡിക്കൽ കോളേജിൽ ആര്‍.ടി.പി.സി.ആര്‍ ലബോറട്ടറികള്‍ സജ്ജമായി.പരിശോധനാഫലം രണ്ടര മണിക്കൂറിനുള്ളില്‍ ലഭ്യമാക്കാന്‍ സഹായിക്കുന്ന റിയല്‍ ടൈം റിവേഴ്‌സ് ട്രാന്‍സ്‌ക്രിപ്ഷന്‍ പോളിമറേസ് ചെയിന്‍ റിയാക്ഷന്‍ പരിശോധന സംവിധാനമാണ് ജില്ലാ ഭരണകൂടവും മെഡിക്കൽ കോളേജും കൂടി സജ്ജമാക്കിയിരിക്കുന്നത്.

ഇതുവരെ ആലപ്പുഴ വൈറോളജി ഇൻസ്റ്റിറ്റ്യൂട്ടിലാണ് എറണാകുളത്തെ സാമ്പിളുകളും പരിശോധിച്ചിരുന്നത്. ഇതിന് കാലതാമസം നേരിട്ടതോടെയാണ് കളമശ്ശേരി മെഡിക്കൽ കോളേജിൽ പുതിയ സംവിധാനം ഒരുക്കിയത്. ഒരു ദിവസം 180 സാമ്പിളുകൾ വരെ ഇവിടെ പരിശോധിക്കാൻ സാധിക്കും.