അനുബന്ധ വാര്ത്തകള്
- യുവ ഡോക്ടറുടെ ആത്മഹത്യ, വിവാഹം മുടങ്ങിയതിനെ തുടർന്ന്, സ്ത്രീധനമായി ആവശ്യപ്പെട്ടത് 150 പവനും 15 ഏക്കർ ഭൂമിയും ആഡംബര കാറും
- അട്ടപ്പാടിയിൽ ആനക്കൊമ്പും തോക്കുകളും പിടികൂടി
- ജീരകസോഡയിൽ ചത്ത എലിയെ കണ്ടെത്തി : സോഡാ നിർമ്മാണ സ്ഥാനം അടച്ചുപൂട്ടി
- സ്കൂള് കലോത്സവത്തില് ഒന്നും രണ്ടും സ്ഥാനത്തിനായി കോഴ ആവശ്യപ്പെട്ടെന്ന് ആരോപണം
- അരുവിക്കരയില് കെഎസ്ആര്ടിസി ബസും ബൈക്കും കൂട്ടിയിടിച്ച് രണ്ട് യുവാക്കള്ക്ക് ദാരുണാന്ത്യം
ഓണ്ലൈന് ചൂതാട്ടങ്ങള്ക്കുള്ള ജിഎസ്ടി: നിയമ ഭേദഗതിക്ക് ഓര്ഡിനന്സ് കൊണ്ടുവരാന് മന്ത്രിസഭാ യോഗത്തിന്റെ തീരുമാനം
പണം വച്ചുള്ള ചൂതാട്ടങ്ങള്ക്ക് ജിഎസ്ടി നിര്ണയിക്കുന്നതില് വ്യക്തത വരുത്തി സംസ്ഥാന ജിഎസ്ടി നിയമ ഭേദഗതിക്ക് ഓര്ഡിനന്സ് കൊണ്ടുവരാന് മന്ത്രിസഭാ യോഗം തീരുമാനിച്ചു.
അമ്പതാമത് ജിഎസ്ടി കൗണ്സില് യോഗം കാസിനോ, കുതിരപന്തയം, ഒണ്ലൈന് ഗെയിമുകള് ഉള്പ്പെടയുള്ളവയ്ക്ക് 28 ശതമാനം ജിഎസ്ടി നിശ്ചയിച്ചിരുന്നു. നികുതി ചുമത്തേണ്ടത് പന്തയത്തിന്റെ മുഖവിലയ്ക്കാണെന്നും തീരുമാനിച്ചു. തുടര്ന്ന് കേന്ദ്ര സര്ക്കാര് ജിഎസ്ടി നിയമ ഭേദഗതി വരുത്തി വിജ്ഞാപനം ചെയ്തിരുന്നു. ഇതനുസരിച്ചുള്ള ദേദഗതിയാണ് സംസ്ഥാന ജിഎസ്ടി നിയമത്തില് കൊണ്ടുവരുന്നത്. മറ്റ് സംസ്ഥാനങ്ങളും നിയമത്തില് ഭേദഗതി വരുത്തുന്നുണ്ട്.
ഓണ്ലൈന് ഗെയിമിങ്, കാസിനോ, കുതിരപ്പന്തയം തുടങ്ങിയ പണം വച്ചുള്ള പന്തയങ്ങളുമായി ബന്ധപ്പെട്ട് നിലവില് ജിഎസ്ടി നിയമത്തിലുണ്ടായിരുന്ന ചില അവ്യക്തതകള് നീക്കുന്നതിനുളള വ്യവസ്ഥകളും ഓര്ഡിനന്സില് ഉള്പ്പെടുത്തും. ഭേദഗതികള്ക്ക് 2023 ഒക്ടോബര് 1 മുതല് പ്രാബല്യം നല്കിയായിരിക്കും ഓര്ഡിനന്സ് ഇറക്കുക.
