അനുബന്ധ വാര്ത്തകള്
- ഓണക്കിറ്റ് വിതരണം വേഗത്തിലാകും,ഭക്ഷ്യ മന്ത്രി ഉദ്യോഗസ്ഥര്ക്ക് നിര്ദ്ദേശം നല്കി
- ഓണക്കാലത്ത് വാമനനായി സൂരജ്, എങ്ങനെയുണ്ട് ?
- ഓണസദ്യയുടെ സവിശേഷതകള് ഇവയൊക്കെ
- 'ഇത് ഞാന് അല്ല';പൂക്കളം കണ്ടോ ? മകന്റെ ചിത്രം പങ്കുവെച്ച് മണികണ്ഠന് ആചാരി
- അന്ന് മോഹന്ലാലിന്റെ യോദ്ധയെ തകര്ത്ത് മമ്മൂട്ടിയുടെ കുടുംബ ചിത്രം; സൂപ്പര്താരങ്ങളുടെ ഓണം ക്ലാഷ് !
ഓണവിപണി ലക്ഷ്യമാക്കി വരുന്ന പാല്-പച്ചക്കറികളുടെ ഗുണമേന്മ; 24 മണിക്കൂറിനുള്ളില് ചെക്ക് പോസ്റ്റുകളില് നടത്തിയത് 155 പരിശോധനകള്
24 മണിക്കൂറിനുള്ളില് ചെക്ക്പോസ്റ്റുകളില് ആകെ 155 പരിശോധനകള് നടത്തിയതായി ആരോഗ്യ ഭക്ഷ്യ സുരക്ഷാ മന്ത്രി വീണാ ജോര്ജ്. പാല്, പാലുല്പന്നങ്ങളുടെ 130 സര്വൈലന്സ് സാമ്പിളുകള് എന്നിവ പരിശോധനയ്ക്കായി ശേഖരിച്ചു. മത്സ്യ ഇനത്തില് 17 സാമ്പിളുകളും പച്ചക്കറികളുടെ 8 സാമ്പിളുകളും സസ്യ എണ്ണയുടെ ഒരു സര്വൈലന്സ് സാമ്പിളും ശേഖരിച്ചിട്ടുണ്ട്. പാലിന്റെ 7 സ്റ്റാറ്റിയൂട്ടറി സാമ്പിളും ശേഖരിച്ചു. വരും ദിവസങ്ങളിലും പരിശോധനകള് തുടരുമെന്ന് മന്ത്രി വ്യക്തമാക്കി.
വ്യാഴാഴ്ച രാവിലെ 6 മണിമുതലാണ് രാത്രിയും പകലും തുടര്ച്ചയായ പരിശോധനകള് ആരംഭിച്ചത്. കുമളി, പാറശാല, ആര്യന്കാവ്, മീനാക്ഷിപുരം, വാളയാര് ചെക്ക്പോസ്റ്റുകളില് ഉദ്യോഗസ്ഥരുടെ നേതൃത്വത്തില് പരിശോധന തുടരുകയാണ്. മായം ചേര്ക്കാത്ത ഭക്ഷണം പൊതുജനങ്ങള്ക്ക് ലഭ്യമാക്കുന്നതിനായാണ് ഓണക്കാല വിപണിയിലും ചെക്ക് പോസ്റ്റുകളിലും ഭക്ഷ്യ സുരക്ഷാ വകുപ്പ് പരിശോധനകള് ശക്തമാക്കിയത്. അയല് സംസ്ഥാനങ്ങളില് നിന്നും ഓണ വിപണിയിലെ ഭക്ഷ്യവസ്തുക്കളുടെ ഗുണനിലവാരത്തില് ശക്തമായ പരിശോധനയാണ് വകുപ്പ് നടപ്പാക്കുന്നത്. അധികമായെത്തുന്ന പാല്, പാലുല്പന്നങ്ങള് എന്നിവയുടെ ഗുണനിലവാര പരിശോധന തുടരുകയാണ്. ഇതുകൂടാതെ ഓണം വിപണിയിലെ പരിശോധനയും തുടരുന്നു.
