സിആര്‍ രവിചന്ദ്രന്‍|
Last Modified തിങ്കള്‍, 17 ഒക്‌ടോബര്‍ 2022 (09:35 IST)
കെഎസ്ആര്‍ടിസി ബസുകളില്‍ പരസ്യങ്ങള്‍ പ്രദര്‍ശിപ്പിക്കുന്നതില്‍ തെറ്റില്ലെന്ന് ഗതാഗത മന്ത്രി ആന്റണി രാജു. നിലവിലെ ഗതാഗത ചട്ടങ്ങള്‍ അനുസരിച്ച് സര്‍ക്കാര്‍ അനുമതിയോടെ വാഹനങ്ങള്‍ക്ക് പരസ്യം പതിക്കാന്‍ ആവും. പൊതുമേഖലാ സ്ഥാപനമായ കെഎസ്ആര്‍ടിസിക്ക് സര്‍ക്കാര്‍ അനുമതി നല്‍കിയിട്ടുണ്ട്. കെഎസ്ആര്‍ടിസി ബസുകളില്‍ പരസ്യങ്ങള്‍ പാടില്ലെന്ന് കഴിഞ്ഞ ദിവസം ഹൈക്കോടതി ഉത്തരവിട്ടിരുന്നു. ഇക്കാര്യത്തില്‍ റിവ്യൂ ഹര്‍ജി നല്‍കുമെന്നും മന്ത്രി അറിയിച്ചു.
