അനുബന്ധ വാര്ത്തകള്
- മദ്യവില്പ്പന ഇന്ന് മുതല്; ഈ പ്രദേശങ്ങളില് കിട്ടില്ല
- യാത്രയ്ക്ക് സത്യവാങ്മൂലം, ലോക്ക്ഡൗണ് സ്ഥലങ്ങളില് പാസ്; ഇളവുകള് ഇന്നുമുതല് പ്രാബല്യത്തില്
- ട്രിപ്പിള് ലോക്ഡൗണ് നിലവിലുള്ള സ്ഥലത്തുനിന്ന് യാത്ര ചെയ്യാന് സാധിക്കുമോ?
- ലോക്ഡൗണ് ഇളവ്: സംസ്ഥാനത്ത് യാത്രചെയ്യാന് പാസ് ആവശ്യമില്ലാത്തത് ഈ പ്രദേശങ്ങള്ക്ക്
- കുപ്പി വാങ്ങാന് തിരക്ക് കൂട്ടിയാല് എട്ടിന്റെ പണി; പൊലീസ് 'പൂട്ടിടും'
ഇന്നുമുതല് സംസ്ഥാനത്ത് മദ്യവില്പ്പന പുനരാരംഭിക്കുന്നു, അറിഞ്ഞിരിക്കേണ്ടത് ഇവയൊക്കെ
സംസ്ഥാനത്ത് വ്യാഴാഴ്ച മദ്യവില്പന പുനരാരംഭിക്കുന്ന സാഹചര്യത്തില് വില്പ്പന കേന്ദ്രങ്ങളിലും ബാറുകളിലും എത്തുന്നവര് മാസ്ക്, സാനിറ്റൈസര് എന്നിവ ഉപയോഗിക്കുകയും സാമൂഹിക അകലം പാലിക്കുകയും വേണം. ഇക്കാര്യം ഉറപ്പാക്കുന്നതിന് പോലീസിനെ വിന്യസിക്കും. ഇത്തരം സ്ഥാപനങ്ങള്ക്ക് സമീപം പട്രോളിംഗ് കര്ശനമാക്കാനും സംസ്ഥാന പോലീസ് മേധാവി നിര്ദ്ദേശം നല്കി.
അതേസമയം ലോക്ഡൗണ് നിയന്ത്രണങ്ങളില് ഇളവ് വരുത്തിയതിനെത്തുടര്ന്ന് വ്യാഴാഴ്ച മുതല് യാത്ര ചെയ്യുന്നവര് കരുതേണ്ട രേഖകള് സംബന്ധിച്ച് സംസ്ഥാന പോലീസ് മേധാവി ലോക്നാഥ് ബെഹ്റ മാര്ഗ്ഗനിര്ദ്ദേശങ്ങള് പുറപ്പെടുവിച്ചു.
നിയന്ത്രണങ്ങളില് ഇളവ് വന്ന സ്ഥലങ്ങളില് നിന്ന് (ടി.പി.ആര് നിരക്ക് എട്ട് ശതമാനത്തില് കുറവുളള സ്ഥലം) ഭാഗിക ലോക്ഡൗണ് നിലവിലുളള സ്ഥലങ്ങളിലേയ്ക്കും തിരിച്ചും യാത്ര ചെയ്യുന്നതിന് പാസ് ആവശ്യമില്ല. എന്നാല് യാത്രക്കാര് പൂരിപ്പിച്ച സത്യവാങ്മൂലം കരുതണം. ഈ രണ്ട് വിഭാഗത്തില്പെട്ട സ്ഥലങ്ങളില് നിന്നും സമ്പൂര്ണ ലോക്ഡൗണ് നിലവിലുളള സ്ഥലങ്ങളിലേയ്ക്ക് മെഡിക്കല് ആവശ്യങ്ങള്, വിവാഹച്ചടങ്ങുകള്, മരണാനന്തരച്ചടങ്ങുകള്, നിര്മ്മാണ പ്രവര്ത്തനങ്ങള്, വ്യാവസായിക ആവശ്യങ്ങള് മുതലായവയുമായി ബന്ധപ്പെട്ട് യാത്ര ചെയ്യുന്നവര്ക്ക് പോലീസ് പാസ് ആവശ്യമാണ്.
