അനുബന്ധ വാര്ത്തകള്
- പ്രമേഹത്തെ കണ്ടംവഴി ഓടിക്കാൻ വേപ്പിലകൊണ്ടൊരു അമൂല്യ ഔഷധം !
- അറിഞ്ഞോളൂ, ഇവയാണ് ഭഗവാൻ കൃഷ്ണന് ഏറ്റവും ഇഷ്ടപ്പെട്ട കാര്യങ്ങൾ !
- മീ ടു വിൽ ശ്രീലങ്കൻ ക്രിക്കറ്റർ മലിംഗക്കും പിടി വീണു; ഐ പി എൽ നടക്കുന്നതിനിടെ തന്നെ പീഡിപ്പിക്കാൻ ശ്രമിച്ചതായി യുവതി
- കോൺഗ്രസ് ബി ജെ പിയുടെ കൊടിക്കീഴിലെന്ന് മന്ത്രി എം എം മണി
- തിത്ത്ലി ചുഴലിക്കാറ്റ് ശക്തിപ്രാപിച്ചു; ആന്ധ്രയിൽ എട്ട് മരണം
ക്ഷേത്രങ്ങളിൽ നിന്നും പണം എടുക്കുകയല്ല, പണം നൽകുകയാണ് സർക്കാർ ചെയ്യുന്നത്: കടകംപള്ളി സുരേന്ദ്രൻ
സംസ്ഥാന സര്ക്കാര് ക്ഷേത്രങ്ങളില് നിന്ന് പണമെടുക്കുമെന്ന് പ്രചരിപ്പിച്ച് കാണിക്കയിടരുതെന്ന് വര്ഗീയ വാദികള് പ്രചരിപ്പിക്കുന്നത് തെറ്റാണെന്ന് വ്യക്തമാകി ദേവസ്വം മന്ത്രി കടകംപള്ളി സുരേന്ദ്രൻ. ക്ഷേത്രങ്ങളുടെ പണം എടുക്കുകയല്ല മറിച്ച് വികസന ആവശ്യങ്ങൾക്കായി സർക്കാർ പണം നൽകുകയാണ് ചെയ്യുന്നത് എന്ന് കടകംപള്ളി സുരേന്ദ്രൻ പറഞ്ഞു.
ഇക്കഴിഞ്ഞ സാമ്പത്തിക വര്ഷം മാത്രം 70 കോടി രൂപയാണ് ദേവസ്വം വകുപ്പ് ക്ഷേത്രങ്ങള്ക്കായി നല്കിയത്. തിരുവിതാംകൂര് ദേവസ്വം ബോര്ഡിന് പ്രതിവര്ഷം നല്കുന്ന 80 ലക്ഷം രൂപയ്ക്ക് പുറമെ ശബരിമല തീര്ത്ഥാടനത്തിന് ചെലവഴിക്കുന്ന തുക ഉള്പ്പെടെ 35 കോടി രൂപയാണ് കഴിഞ്ഞ വര്ഷം മാത്രം നല്കിയത്. റോഡ് നിര്മ്മാണം, ഗതാഗത സൗകര്യങ്ങള്, ജലവിതരണം, ആരോഗ്യവകുപ്പിന്റെ പ്രവര്ത്തനം എന്നിവയ്ക്കും മറ്റുമായി അതാത് വകുപ്പുകള് മുടക്കുന്ന തുക ഇതിനും പുറമെയാണ് എന്ന് അദ്ദേഹം ഫെയ്സ്ബുക്കിൽ കുറിച്ചു.
ഫെയ്സ്ബുക്ക് കുറിപ്പിന്റെ പൂർണരൂപം
സംസ്ഥാന സര്ക്കാര് ക്ഷേത്രങ്ങളില് നിന്ന് പണമെടുക്കുമെന്ന് പ്രചരിപ്പിച്ച് കാണിക്കയിടരുതെന്ന് വര്ഗീയ വാദികള് പ്രചരിപ്പിക്കുന്നു. സത്യം എന്താണെന്ന് സംസ്ഥാന സര്ക്കാരിന്റെ രേഖകളുടെ അടിസ്ഥാനത്തില് പറയട്ടെ. പണമെടുക്കുകയല്ല പണം ദേവസ്വം ബോര്ഡുകള്ക്ക് കൊടുക്കുകയാണ് സംസ്ഥാന സര്ക്കാര് ചെയ്യുന്നത്. ഇക്കഴിഞ്ഞ സാമ്പത്തിക വര്ഷം മാത്രം 70 കോടി രൂപയാണ് ദേവസ്വം വകുപ്പ് ക്ഷേത്രങ്ങള്ക്കായി നല്കിയത്. തിരുവിതാംകൂര് ദേവസ്വം ബോര്ഡിന് പ്രതിവര്ഷം നല്കുന്ന 80 ലക്ഷം രൂപയ്ക്ക് പുറമെ ശബരിമല തീര്ത്ഥാടനത്തിന് ചെലവഴിക്കുന്ന തുക ഉള്പ്പെടെ 35 കോടി രൂപയാണ് കഴിഞ്ഞ വര്ഷം മാത്രം നല്കിയത്. റോഡ് നിര്മ്മാണം, ഗതാഗത സൗകര്യങ്ങള്, ജലവിതരണം, ആരോഗ്യവകുപ്പിന്റെ പ്രവര്ത്തനം എന്നിവയ്ക്കും മറ്റുമായി അതാത് വകുപ്പുകള് മുടക്കുന്ന തുക ഇതിനും പുറമെയാണ്.
ശബരിമല ഇടത്താവള സമുച്ചയ നിര്മ്മാണത്തിനായി ഇപ്പോൾ 150 കോടി രൂപ അനുവദിക്കുകയും ചെയ്തിട്ടുണ്ട്. നടപ്പ് വര്ഷം മാത്രം 210 കോടിയോളം രൂപയാണ് ശബരിമലയിലേത് ഉള്പ്പെടെ തിരുവിതാംകൂര് ദേവസ്വം ബോര്ഡിന്റെ പ്രവര്ത്തനങ്ങള്ക്ക് വേണ്ടി സംസ്ഥാന സര്ക്കാര് നേരിട്ട് ചെലവഴിക്കേണ്ടി വരുന്നത്. പൊതുമരാമത്ത് അടക്കമുള്ള വകുപ്പുകളുടെ ചെലവ് ഇതിന് പുറമെയാണിത്. കൊച്ചിന് ദേവസ്വം ബോര്ഡിലെ ക്ഷേത്രങ്ങളിലെ കാവുകളും കുളങ്ങളും സംരക്ഷിക്കാന് കഴിഞ്ഞ സാമ്പത്തിക വര്ഷം ഒരു കോടി രൂപ നല്കി. മലബാര് ദേവസ്വം ബോര്ഡിന് ക്ഷേത്രങ്ങള്ക്കുള്ള ഗ്രാന്റ് അടക്കം 33 കോടി രൂപയാണ് സംസ്ഥാന സര്ക്കാര് കഴിഞ്ഞ വര്ഷം നല്കിയത്. ദേവസ്വം ബോര്ഡുകള്ക്ക് കീഴില് വരാത്ത തിരുവനന്തപുരം ശ്രീ പത്മനാഭസ്വാമിക്ഷേത്രത്തിന് പ്രതിവര്ഷം 20 ലക്ഷം രൂപ നല്കുന്നതിനൊപ്പം മിത്രാനന്ദപുരം കുളം നവീകരണത്തിന് 1 കോടി രൂപയും, വിദഗ്ധസമിതി പ്രവര്ത്തനത്തിന് 5 ലക്ഷം രൂപയും ചെലവഴിച്ചു.
ശബരിമല ഉള്പ്പെടെ ഒരു ക്ഷേത്രത്തില് നിന്നുള്ള പണവും സംസ്ഥാന സര്ക്കാര് എടുക്കുന്നില്ലെന്ന് ഒരിക്കല് കൂടി വ്യക്തമാക്കുകയാണ്. വര്ഗീയ വിദ്വേഷം പ്രചരിപ്പിക്കുന്നവര്ക്കും ഇതെല്ലാം നന്നായി അറിയാം. പക്ഷേ, വിശ്വാസികളെ വര്ഗീയതയുടെ കൊടിക്കീഴില് കൊണ്ടുവരാനുള്ള നുണ പ്രചാരണമാണ് അവര് തുടരുന്നത്.
അടുത്ത ലേഖനം
