അനുബന്ധ വാര്ത്തകള്
- സ്വപ്നയെ കസ്റ്റഡിയിൽ വാങ്ങി ചോദ്യം ചെയ്യാൻ സിബിഐ, ലൈഫ് മിഷൻ സിഇഒയോട് വിവരങ്ങൾ തേടും
- സംസ്ഥാനത്ത് ഇന്നലെ കൊവിഡ് സ്ഥിരീകരിച്ചത് 97 ആരോഗ്യപ്രവര്ത്തകര്ക്ക്
- വീണ്ടും ഉയർന്ന പ്രതിദിന നിരക്ക്; സംസ്ഥാനത്ത് ഒറ്റദിവസം 7,445 പേർക്ക് കൊവിഡ്, 6,965 പേർക്ക് രോഗബാധ സമ്പർക്കത്തിലൂടെ
- വരുമാനത്തെക്കാൾ കൂടുതൽ ചിലവാക്കുന്നത് ഈ നക്ഷത്രക്കാരുടെ ശീലമാണ്, അറിയു !
- സൈലന്റ് ഹാർട്ട് അറ്റാക്ക്: ഇക്കാര്യങ്ങൾ അറിഞ്ഞിരിയ്ക്കണം !
ജലജീവന് കുടിവെള്ള കണക്ഷന്: രേഖയായി ആധാര് കാര്ഡ് മാത്രം മതി
സംസ്ഥാനത്തെ ഗ്രാമീണമേഖലയിലെ മുഴുവന് വീടുകള്ക്കും കുടിവെള്ള കണക്ഷന് ലഭ്യമാക്കാന് സര്ക്കാര് നടപ്പിലാക്കുന്ന ജലജീവന് മിഷന് വഴി ഗുണഭോക്താക്കള്ക്ക് വളരെ കുറഞ്ഞ ചെലവിലും ലളിതമായ നടപടിക്രമങ്ങളിലൂടെയും കുടിവെള്ള കണക്ഷന് ലഭിക്കാന് അവസരമൊരുങ്ങുന്നു. ആധാര് കാര്ഡ് മാത്രം രേഖയായി നല്കി ജലജീവന് പദ്ധതി വഴി കുടിവെള്ള കണക്ഷന് നേടാം. സാധാരണ കുടിവെള്ള കണക്ഷന് എടുക്കാന് വേണ്ടിവരുന്ന നടപടിക്രമങ്ങളോ രേഖകളോ വേണ്ടിവരുന്നില്ല.
ജലജീവന് വഴിയുള്ള കണക്ഷന് നടപടിക്രമങ്ങള് ലളിതമാക്കാനായി വാട്ടര് അതോറിറ്റി മൊബൈല് ആപ്ലിക്കേഷനു രൂപം നല്കിയിട്ടുണ്ട്. ഈ ആപ് വഴിയായിരിക്കും കണക്ഷന് സംബന്ധിച്ച നടപടികള് നിര്വഹിക്കുന്നത്. ഗുണഭോക്താക്കള് ആധാര് നമ്പരും മൊബൈല് നമ്പറും മാത്രം നല്കിയാല് മതിയാകും. ഉദ്യോഗസ്ഥര് ഗുണഭോക്താക്കളുടെ വീടുകളില് നേരിട്ടെത്തി കണക്ഷന് നടപടികള് പൂര്ത്തിയാക്കും. ഗുണഭോക്താക്കളുടെ മൊബൈല് നമ്പരിലേക്ക് കണ്സ്യൂമര് നമ്പരും കണ്സ്യൂര് ഐഡിയും എസ്എംഎസ് ആയി അയച്ചുനല്കും.
